有女仔寄宿咗喺我嘅頭到！: 17

『話時話詳細嘅係咩，我都入咗會...算啦...都係之後先問Miss Ko』
然後佢地就行出門囗，一路直行，行去另一間房，之後廷叔就攞咗張卡出嚟，然後『嘟』一聲，對門就開咗，一入到裏面，裏面乜都冇，得一道門咁嘅物體，之後廷叔再攞另一張卡出嚟嘟，對門打開咗，裏面黑鼆鼆，但我地一入去，個燈就自動打開，原來裏面係樓梯嚟嘅。

「𠲖...」
「我地落去啦」廷叔講。
「李爺爺行先，我扶你啊」Miss Ko好乖咁講。
「嗯...乖...」李爺爺露出難得的笑容。

之後零佢地就落咗去，當零佢地踏入去樓梯嘅時候，出面對門自動閂埋，行落去三層，又有一道門，唔...真係夠安全啫...廷叔又攞一張卡再嘟，終於入得喇。落一落去個地庫，都要經過咁多嘢，真係麻煩...





「哇...」零驚嘆一聲。
其實裏面冇乜咁特別，只係有好多間房啫，而至於點解零咁驚訝呢，係因為雪同佢講呢到竟然存在一個小型嘅靈脈，要知道喺呢個時代，天地靈氣已經好少好少，有多少少都巳經算好㗎喇，宜家竟然有一個小型靈脈，咁仲唔令零驚嘆一聲...雖然零仲未知道有關於呢啲嘅概念，但係佢知道有一個靈脈嘅出現係實屬難得...

「嗯...你哇乜嘢」Miss Ko問。
「冇...覺得呢到好舒服啫」
「哦...仲以為你知添...不過你想唔想知道點解呀」Miss Ko懶係野咁問。
「哇...想知呀」零虛假地説，『超..其實我知係乜啦，仲駛唔駛你答呀...』
『乜你本身知係咩嚟咩』雪問
『唔知喎...』
『咁咪係囉，我唔話你聽，你都唔知係咩啦，咪又要靠佢』




『............』零畀雪講到有啲面黑黑。
「我話畀你知呀...係因為呢到...有個靈脈」
零面無表情咁「哦...」一聲，而Miss Ko 望到零嘅表情以為佢唔知咩叫靈脈，所以就講「靈脈係由於本來嗰度嘅天地靈氣多，所生產成嘅生成物或者係由靈氣凝聚而成嘅...而天地靈氣係世間上萬物同日月星辰嘅精華同埋能量，所以你明唔明?」
「明...」
「車...算」Miss Ko嘟住嘴咁講，唔...有啲得意添...
「好喇好喇，我地入去先啦」廷叔講。
「哦...」「嗯...」

佢地行前去某一間房，打開門...哇，今次終於唔駛嘟卡喇，嗯...點解有人嘅?唔...有人好似係正常...哇...靚女呀，一名閉月羞花、玉骨冰肌但可惜冷若冰霜嘅女子出現喺零面前。





「李爺爺，廷叔，馨姐姐...」女子面容上露出一絲微笑，之後再回復翻面無表情嘅狀態，女子說完后才發現廷叔身邊的零，她用她那平淡，冰冷的眼神看著零，眼神內沒有好奇、沒有一絲波瀾，淡淡的看完一眼後，就轉個頭看回廷叔他們。

「零，我介紹一下呢位靚女畀你聽啦，佢叫冷月，而佢就叫零，係我嘅學生嚟嘅，同時都係我地嘅新成員。」
『唔...冷月，個名幾特別，同埋幾襯佢』
「Hi，第一次見面，我係零」零點頭地說。
「冷月」冷月張開粉脣，緩慢地說道。



跟住又係dead air嘅狀態。



「係喎冷月，我地帶佢嚟係要check屬性㗎」Miss Ko打破dead air嘅狀態。
「唔...乜有人唔會知自己嘅屬性咩」冷月皺著眉頭說道。




「哦...佢啱啱先修練，唔知做咗咩事可以無啦啦修練。」
「嗯...咁佢要點check 」
「問爺爺啊」
「唔...用舊㗎啦」一直畀零當做邊緣人嘅李爺爺說到。
「嗯，咁我去拎測試石出嚟」冷月說完後，就走去拿測試石出來。
「唔知你係咩屬性呢」廷叔問零。
「唔知喎...」『對唔住呀，其實我知㗎，只不過我唔想嚇親你地咋』零心裡抱歉地說着。
「唔...會唔會係水呢」miss ko講。
「點解呀」廷叔問。
「因為佢個名全部都係水做部首」
「errr...有可能咩」
「唔知喎...嘻嘻」Miss Ko吐一吐舌頭，然後可愛地說道。
「其實無論咩屬性都好，只要可以運用得好同啱就得喇」李爺爺講。
「係嘅...」「爺爺講得啱，不愧係爺爺呀」
「你呀...」李爺爺寵溺地笑了一笑。