有女仔寄宿咗喺我嘅頭到！: 13

喺呢個禮拜，零每日都修練，而修為都順順利利咁升到去築基境二星，熟練度就...唉...唔好提啦...3%都冇呀。
星期六12:00，零突然被「叮」一聲嘈醒咗
「唔...邊個呀...」零有啲忟憎，然後拎起電話睇，冇人鍾意瞓覺嗰陣畀人嘈醒。
『零，今日5:00喺學校門口度等我』
零心諗『邊位呀？Icon係風景相，名又冇個，點知你邊Q個』

『邊位?同你好熟』零覆。
過咗十分鐘...電話又『叮』一吓。
『你親愛嘅Miss Ko』
零心諗『做乜呀！無啦啦等你做乜春，你又唔係我條女』




『errr...Missi今日要做咩呀？』零覆。
『咪話咗要帶你去check囉』
『check咩?check我有冇病？』

現時喺Miss Ko嘅屋企，Miss Ko慵懶地坐喺張梳化度，隻腳就微微地搖擺，Miss Ko睇到個message後，就嫣然一笑，然後覆:
『本來就唔係，不過宜家就係』
『吓...』
『咪話咗要帶你去check屬性係咩囉，死蠢』
『係喎...sorry呀Missi』
『哼』





而零見到Miss Ko覆咗之後，心諗『唔記得啫，駛唔駛咁呀，死啦，跟住覆咩好?算啦，打個點點點算啦』
『...』
之後...Miss Ko就冇覆勒...
零見Miss Ko冇覆之後，就再瞓翻個回籠覺。