有女仔寄宿咗喺我嘅頭到！: 10

零翻到去佢屋企之後，就諗成為武者算唔算喺佢平淡嘅人生加咗一陣漣漪呢?成為武者究竟係好定壞...不過...諗咁多做咩啊...正所謂船到橋頭自然直...不如諗要點修練好啦，因為佢完全唔知到點用啲修練物資好，所以佢決定問雪。
『雪，我應該要點修練』
『將你體內能量釋放然後再畀你體內嘅能量指引晶石嘅能量去你身體，然後再吸收』
『咁點樣䆁放能量』
『用意念控制』
『哦...』零講完之後就攞咗啲能量石吸收，釋放能量嗰度好容易，但係控制體內能量去指引晶石能量吸入體內就好難，可能係因為體內能量啱啱先有，未咁快可以隨意控制到，零試咗幾次先可以吸收到一個，之後零再吸收幾個，速度明顯係快過頭先，突然『喀』一聲，零嘅修為突破咗一星。
「突破咗啦！突破咗啦」
雪『......』
「err...突破咗一星姐，駛唔駛咁開心呀，仲要你宜家係靈動境二星咋」
零『.......』




「唔駛咁mean嘅」
「咁唔係咩」
零廢時理佢，繼續吸收能量，一吸就吸咗兩日，醒翻嚟之後就係星期一，而修為就突破到去七星。
「唉，又遲到啦，雪你好心下次就叫醒我啦」
「......」
好啦...零見雪冇諗住覆佢，就廢時煩佢，如果唔係雪就會好似老虎乸一樣咁恐佈。
零又斯斯然咁換衫，落街，翻學，只不過佢好似唔記得咗啲嘢咁...
翻到學校，入到班房，見到Miss Ko，零先醒起放學要交罰抄，『仆街了，罰抄淨係抄得兩次，仲要留咗喺屋企，喺學校點抄呀，仲要篇文水蛇春咁長』零心入面諗，而眼神閃過一絲慌亂。而Miss Ko不愧係老師，嗰一絲眼神，就咁啱畀Missi捕捉到，佢專登笑笑口咁講:
「零，記住放學要親手交嗰樣嘢畀我喎」
『仆你個街，你專登㗎，信唔信我屌柒你...不過我唔敢』




零喺面上只好露出唔自然嘅笑容然後講
「係嘅miss Ko 」
然後零即刻走翻佢自己張枱，攞紙，攞筆，開書，然後抄。零抄到勁專心根本冇留意自己嘅手速...errr...即係抄寫速度，係比正常人快一倍，佢留意唔度，不過唔代表其他人留意唔度，而Miss Ko見到零嘅手速之後，微微皺一皺眉頭，心入面諗咗一啲嘢，不過佢諗啲咩，就冇人知。
過咗一堂之後，零先發覺自己已經抄到去三篇，佢一臉呆滯咁望住篇文，心諗『點解會抄得咁快，唔通係我修練嘅原因』
不過，佢都冇咩點理，因為咁樣以後做任何嘢，就可以做快啲。
「喂，零你啲手速咁快嘅」賢一臉淫笑地説到。
「還好啦」
「係咪最近安慰自己安慰得太多呀」賢繼續一臉淫笑地説到。
「收」
「不過話時話Missi要你親手交咩畀佢」




「咪我宜家抄緊嘅嘢囉」
「so sad咁你繼續加油啦，我唔阻你」
「喂，幫我抄一次啦，好攰呀」
「有咩好處先」賢口入面咁樣講，但係手就即刻攞咗張紙。
「一餐飯，100以內，屌or not 」
「of course屌啦」
「放學前畀我」