有女仔寄宿咗喺我嘅頭到！: 5

翻到屋企，零開始抄文。
「抄文算便宜咗你，係我就整盲你隻眼。」
「你可唔可以唔好成日嘈住哂，好煩呀！」
「咁唔係咩，你睇不特止呀仲要講出囗，真係柒柒地。」
「你幾時先可以重造身體...」

突然，零眼尾哨到窗出面即係山尾嗰度有紫藍色嘅光，出於好奇心，零就想睇吓，就問呀雪「你知唔知咩嚟㗎?平時嗰邊都係黑蚊蚊個喎！」
「唔知喎，去睇吓囉，直覺話畀我聽應該係好事。」

之後，零就快快手著件外套，就衝咗出去，零行緊時感覺到陰風陣陣，周圍都靜嚶嚶，只有風吹過樹葉的『嚓沙』聲，而嗰個光就一直指引著零去某一個位置。





「咦，點解呢到啲靈力咁濃厚嘅？」雪疑問的說。
「咩靈力?係咪即係小說入面嘅能量？」
「你都可以咁講，不過係天然嘅能量囉，但係喺我寄生喺條蟲嘅時候，就發覺呢個世界嘅天地靈力冇咁濃厚，除咗一啲郊區之外。」
「咁喺點樣嘅地方靈力先會多?」
「呃...例如喺一啲未經過人嘅開發或污染嘅地方，都會多少少囉。」

此時，零已經到咗山尾嗰度，但係佢發覺啲光竟然唔見哂，就好似啲光喺度等到有人嚟，之後就會自動消失，唔通呢個係陷阱！
「喂雪，好似有啲唔對路喎！」
「你咪鬼生人唔生生膽啦，你仲係咪男人嚟㗎！」




『其實我仲係男仔嚟㗎』零心諗。
「咦，點解啲靈力係由嗰邊嗰一棵樹散出嚟嘅?」
「吓，邊到?」
「直行轉左再轉右嘅第一棵。」
喺呢個只有風聲嘅地方，零踩到樹枝嘅腳步聲就顯得格外恐佈，『唰唰唰』這些聲音就像會直擊你心。
「冇咩特別喎，乜都feel唔到！」
「咁你有冇發覺你成個人好似輕鬆咗?」
「有喎，好似」
「咁咪係囉！」
「你都研究吓棵樹先啦！」雪繼續講。





過咗一陣...

「咦雪，呢到係咪有啲紋路?」
「係喎，呢個好似係傳送陣」
『呢款傳送陣好似唔駛用能量就激活到！』雪心諗。
「你試吓掂一掂佢」雪講。
「哦」
零用手碰一碰陣法，突然間零感覺有些暈。