一個香港留學生在美國的生活: 密檔

「Happy July Forth！仲乜咁夜仲未瞓呀？」「啱啱去完U Bank CEO 個Party，見唔到你，咪打嚟睇下你做緊乜囉！」響過去嗰大半年我同Anita都有見過幾次面，大部分係Business Function，仲有一次係生意上朋友嘅飯局，不過就未試過私下咁見面。「呢啲Party我冇乜興趣，平時仲未去夠咩，難得放假，更係同自朋友玩啦？我啱啱先響Joe屋企離開。」「咁你咪響Palo Alto？順路不如你接埋我，我今日冇揸車，仲準備Call的士。」「好呀，你畀個地址我啦！」 

Anita嘅位置真係好近，就響Sand Hill一間酒店，我開車去都唔洗十分鍾，Anita今晚盛裝打扮，著咗件鮮紅色低胸露背長裙，手上攞住個鑲滿水晶嘅pouch加對四寸高跟鞋，非常之搶眼。「嘩！著到咁開住架Porsche嚟接我，冇啲誠意！」「小姐，我啱啱去完Poolside BBQ Party，你想我著西裝打呔咩！」「我成日見你都係著西裝，你咁著都幾好睇。」「行啦，我車你返屋企，你睇吓，週圍的人係咁望住我地，再唔走人哋可能以為我綁架你！」  

國慶假期高速公路上好多警察捉醉鴐，我當然唔敢開快車，沿住280公路返上三藩市，去到Marina嘅時候啱啱十二點正，我停好車，禮貌地落車幫佢開門，「十二點咋喎，要唔要上嚟坐下？你好似未嚟過我屋企坐。」「咁夜，唔係幾好喎！」「你幾時變得咁細膽架？」「你唔介意，我咪上嚟參觀下囉！」「間屋係我朋友嘅，我冇咁有錢住咁大間豪宅。」「男朋友？」Anita只笑笑口冇答。  

三層高嘅獨立屋，二三樓全部落地玻璃窗可以睇哂三藩市北灣美景，室內裝修屬於現代歐陸風格，大廳正中有個火爐，屋入面放咗唔少相，我一睇就知係Heather老公Steward，其實我早已經估到Anita可能同Steward有嘢，亦都懷疑過間屋屬於Steward嘅，不過親眼見到親自證實感覺上都有的震撼，Anita見我望住啲相「相入面係呢間屋嘅屋主。」「即係你男朋友？」「Friend with Benefit！」我慢慢一張一張相咁睇，發現全部都係單身照，完全見唔到Heather又或者朋友屋企人，「睇嚟你對我呢位朋友好有興趣喎！其實你知唔知佢間接同你都有啲關係？」我轉身望住Anita「我同佢有關係？」Anita望咗我一陣，跟著問「你係真係一啲都唔知道？Joe佢哋冇同你提過？」「咁你知道啲乜呢？」「我知嘅嘢應該比你多！唉，都唔知你真唔知定假唔知，你跟我上樓，我開個電腦你自己慢慢睇。」跟著Anita就去咗三樓書房，輸入密碼開咗個電腦「其實都係我無意中發現，我唔阻你啦，files係跟日子排，自己睇啦！我去換衫先。」  

我坐響電腦前面，個Mon上面有十幾個Folders，日子由1996年到最近幾個月，每個Folder都係以年月分類，我打開第一個Folder，入面係一堆相同video，全部都係Steward同唔同女仔嘅床照同做愛過程，有Steward一對一，亦有多人sex party，我一路睇落去，終於去到2000年一月嘅Folder。