一個香港留學生在美國的生活: 麵館

同相中人一樣，一頭清爽短髮，黑邊眼鏡，皮膚都幾白，化咗個淡妝，著住件高領紅色冷衫，加條牛仔褲波鞋，不過絕對唔係乜嘢靚女。由於佢冇睇過我張相，所以唔知我就係佢響網上約嘅男仔，我行到去佢面前：「Hello，你是Ming？」我用帶香港口音嘅普通話問佢，佢抬頭望一望，「你是John？」Ming係咪真名我唔知，我肯定用假名，「對，不好意思，遲到了。路上塞車。」「沒有關係，我也剛到。」上海妹把聲就係好聽，把聲軟綿綿咁非常之嗲，聽兩句已經扯扯地旗，「要不要先找地方食飯？有什麼提議，要不要食日本菜？」「可以啊，不過好像很多人排隊。」Weekend日本城真係人山人海，呢度啲日子餐廳大部份係大陸人開，淨返啲係呃鬼佬嘅，平時我跟本唔會響度食，「不如我們去外邊食？」「那麼去食上海菜？Richmond 有一家上海麵館很道地，你有聽過嗎？」「我知道，在十九街Balboa附近，老闆姓胡。」「就是那一家！」「那麼你不介意讓我開車吧！」  

胡老闆係上海人，佢同老婆開嘅呢間上海麵館係我成日幫襯嘅中餐館之一，已經食到熟哂。由Japan Town去上海麵館開車十分鐘左右，Ming同我講佢啱啱State U畢業搵工想轉身份留底，好明顯佢係想搵機會搵個有綠卡又或者Citizen嘅男人結婚，響美國大陸人圈子係非常普遍，有好多人願意畀錢搵人假結婚，去到餐館坐低，老闆娘過嚟同我打招呼，之後就同Ming用上海話傾謁，原來Ming都經常同朋友嚟食飯，算係熟客。  

差不多食完，Ming起身去洗手間，胡老闆響廚房出嚟，「怎樣？今天菜還可以？」「「跟平常一樣，非常好。」胡老闆多數響廚房炒餸，好少出嚟同客人傾謁，「你跟那位小姐認識很久？」「剛認識，怎麼了，你認識她？」胡老闆望一望後面，見老闆娘響廚房，附近又冇人，細細聲同我講「不是女朋友就好。」「怎麼說呢？」「這個不好說啦！」「現在沒人，跟我說吧。」「這個女孩子就是比較受男生歡迎，我每次見到她都是跟不同男生來，我只是想提醒你一下，沒別的意思。」「明白了老闆，謝謝你！」  

Ming出返嚟嘅時候我已經埋咗單，「你還有別的地方要去嗎？還是送你回家？」「下大雨，回家吧。」離開餐館嘅時候，外邊落住傾盆大雨，我哋得一把摭，行到返車已半個身濕哂，「你家在那裡？」「就在Japan Town後面一條街。」原來佢就住響Japan town！「對啦，你還沒有告訴我你為什麼會跟我見面？我又沒有發照片給你。」「感覺吧，看到真人的時候再看是否合眼緣。」「那麼我還合眼緣吧？」「不合的話也不會和你食飯，還讓你送回家。」  

講到咁白，咁就送佛送到西啦！