一個香港留學生在美國的生活: Cabo （10）

好快Millie就嚟到，於是我問「Aaron同Doris響房入面？」「Of Course！你個好朋友同我個好朋友冇著衫攬住響床瞓！我見到咁咪掉頭走囉！」「咁佢知唔知道你返咗嚟啊」「佢哋兩個瞓到死豬咁，都唔知我開門入房！」「咁睇嚟今晚食飯都唔使預佢哋啦？」「或者夜啲再試吓打電話睇吓有冇人聽囉！」「我訂咗7:00枱，而家仲有時間，不如趁太陽就嚟落山冇咁熱，去游陣水？」「正有此意我頭先響房已經攞咗泳衣同埋要玩嘅衫褲，睇嚟今晚我可能要響你呢度過夜。」我笑笑口「無任歡迎。」  

Millie就響我面前放低個袋，跟住慢慢咁一件一件衫除低，當我睇到佢除晒之後，細佬好自然又有反應，不過好快佢又着返件泳衣，跟住同我講「你仲唔換衫？又唔係未睇過，鹹濕仔，我喺出邊等你啊！」跟住佢就行咗出去。我唯有自己一個人玩返條泳褲，跟住佢行出屋。  

我住間Villa對出嘅泳池區人唔算多，好容易就搵到兩張連埋一齊嘅沙灘椅，我幫Mille鋪好毛巾，又幫大家互相查太陽油，之後就跳入水各有各游。Millie一個東方面孔嘅女仔，雖然唔係啲乜嘢絕色美女，但係始終都會招蜂引蝶，我遠遠咁望住佢，就發覺佢身邊有好多男性動物圍住佢轉，耐唔中仲有人同佢搭訕，為免出事，我唯有由返過去佢身邊，「點啊使唔使我救你呀靚女？」「我洗鬼你救！」「我費事你俾啲色狼抽水咋！」「你班友大部份都係有色心冇色膽讀，怕乜喎！」話口未完仲有兩個男仔走過來嚟「Do you want to play water polo?  We need people！」「Sorry we’re not interested!」我見到咁就一手拉住Mille游去泳池另一邊，理都理嗰兩個男仔。  

「喂！使唔使走得咁快呀」「我怕你蝕底，費事夜長夢多，呢啲人你唔理佢，佢應該唔會繼續搞你嘅！」「我同Doris出嚟玩就預咗㗎啦！乜你咁細膽㗎 ！」「乜你哋兩個白鬼仔都有興趣啊？」「咁我又未試過喎，乜你試過同鬼妹搞上床咩」「咁我又真係未試過喎！有機會我都想試吓！」「死鹹濕仔！你同Aaron一樣咁鹹濕！」「咁你又俾我鹹濕！」我響水入邊用手亂咁模，Millie忍唔住喺度哈哈大笑！  

玩到6:00左右，我哋就返返入屋沖涼換衫，我哋分別再打多次電話俾Aaron同Doris都係冇人聽，不過我哋知道佢哋安全點都放心啲。夜晚我哋着返T恤短褲波鞋，行返去酒店大堂2樓，嗰度我哋訂咗間巴西菜館，其實即係食扒，呢間算係呢個Resort入面最高級嘅餐廳，我哋兩個入到去攞咗張響外邊陽台可以眺望太平洋第一張二人枱，望住西邊嘅太陽，可以慢慢咁睇住佢落山，其實都幾浪漫！Millie「我第一次食Brazilian，有乜特別？」「我都未食過，睇吓個Menu先。」餐牌上大多數係扒類，主要係燒烤，仲有黑豆呀Pimenta之類比較辣嘅調味，最後我哋叫咗一個大沙律，一人一個湯，加一塊兩個人食嘅Tomahawk Steak，紅酒最後都係揀咗支加州Cab，其他地區嘅酒我認識唔多，Millie原來都幾飲得，成餐飯我開咗兩支酒，有大半支係佢飲嘅，最後Millie除咗有啲面紅之外，一啲醉意都冇，唔怪之得佢條仔要落藥先迷姦到啦！  



埋單嘅時候，終於收到Aaron電話「喂，你響邊？」「食完飯啦！依家先打嚟！」「攰得滯，起唔到身呀！」Millie做咗個叫我唔好出聲嘅手勢，於是我問Aaron「咁你依家響邊呀？」「哈哈！我響Doris間房，你係咪同Millie一齊？」「當啦！」「明嘅明嘅！兄弟嘅嘢大家心照！咁你又響邊？我依舊家過嚟！」「餐廳！等你埋單！」「哈哈！依據家過嚟！」