一個香港留學生在美國的生活: 火鍋

Macy同Camy返咗入阿浩間房之後，我響自己床上面休息，話哂啱啱連續射咗兩次，一攤上床冇耐就瞓著，到咗六點幾，電話又響「我地去緊上次同班台灣仔食嗰間火鍋店，仲有十分鐘到，你幾耐先到呀？」「我啱啱瞓醒咋喎！」「屌！你做賊嚟咩！瞓到六點都仲唔夠！」「你地叫嘢食先，我十五分鐘出門口。」  

放低電話起身入厠所，經過阿浩間房，發覺房門打開，Macy同Camy已經走咗，睇嚟佢地早已經習慣自出自入。我好快梳洗完著好衫，即刻開車去火鍋店，去到差不多七點，Aaron同Joey已經食緊，檯面除咗一碟二碟肥牛同海鮮外，仲有一大扎生啤，我坐低自己倒杯啤酒「Sorry我失約，各位大人有大量，下次唔會！」「你究竟下晝去咗邊？唔好同我講你瞓晏覺！」「我真係瞓過龍！太攰瞓到唔知醒！」「你呃Joey就得，你呃唔到我！」「信不信由你！」Joey就話「算啦，平時又唔係冇一齊做Gym，做少次有乜所謂，又唔係打牌三缺一！」「哈哈！我唔啱！冇下次！今餐我嘅！」Aaron仲係用好懷疑嘅眼神望住我，Joey好乖咁淥咗塊肥牛畀我！  

近呢一年多咗好嘅中餐館響度開業，今晚餐火鍋為例，絕對有三藩市水準，同香港比較都唔差多少。食完埋單三個人都要成兩舊水，以2001年嘅消費嚟計都算係貴。睇吓錶，八點未夠，響呢個大學城係冇夜生活嘅，而聽日禮拜四仲要返學，雖然開學第一個禮拜冇功課做，不過都要早瞓，我仲有早堂，於是我提出要返屋企「好啦，飲飽食醉，咁我走先，聽日響學校見！」「咁早散？我仲諗住有下半場，睇場戲都好吖！」「你聽日冇堂咩？你冇Joey都有啦！」「我又真係冇早堂喎！」「嗱！Joey都話冇早堂，睇碟啦！租碟九點閂門，依家去仲趕得切！」「怕咗你！咁去邊個屋企睇？」「嚟我度啦！姨媽返咗香港，屋企得我一個！」「咁依家走啦！我唔想太夜！」「我地住得咁近！如果唔係，你響我度過夜都得！」「我先唔會響你度過夜！總之我十點前一定返屋企！」「得！你話點就點！」  

於是我地各自開車去間Video Store，攞車嘅時候發覺Aaron Joey係一架車嚟，後來先知道原來呢兩日Joey都響Aaron屋企過夜，估唔到佢咁大膽唔怕畀Lisa發現，真係唔知係Aaron好彩還是Lisa太純真太信任Aaron。  

租碟間舖算近我地住嗰區，開車行Local都係十五分鐘左右，呢間其實係雜貨超級市場兼做埋影帶影碟生意，響美國呢啲二三線城市就係咁，乜都要賣乜都要做先可以生存，有陣時連訂機票滙錢服務都有。影碟多數係電影，電視劇就仲係影帶，今日租嘅係半年前上影張國榮方中信做嘅槍王，順便仲買埋一大堆零食先返屋企！  



平時我都有響Aaron屋企出現，尤其是同小詠分開之後，會去Aaron屋企了黐餐，Aaron姨媽煮飯。去到Aaron屋企，我攞零食去客廳開電視準備放影，Aaron就去廚房攞咗半打啤酒出嚟。突然之間，我諗返起幾年前Aaron京子嚟我屋企嚟睇帶玩牌，最後我地三個玩到上床，嗰次係我第一次3P，而依家嘅情景同當日又何其相似！今日晏晝啱啱先嚟完一皇二后，唔通今晚又玩二皇一后？