一個香港留學生在美國的生活: Macy & Camy（1）

今次係我第二次見到小詠同呢個白鬼仔一齊，其實Aaron有同我提起過話佢響學校見過好多次，不過我已經同小詠分咗手，呢啲係佢嘅私生活，唔再關我事。  

開學前個Weekend響屋企準備禮拜一開學，主要係清理上學期嘅剩餘物資，唔要嘅丟去Recycle，冇用嘅書就賣咗佢，如果順利，其實Summer扯盡讀四堂12units就可以畢業，除非有堂冇Offer，不過Core Class已經讀完，只係剩返General Education同Elective Course，我估點都可以唔洗讀多一個Semester卦！  

小詠就只係要讀最後三堂已經可以畢業，雖然大家冇講，不過我知道佢畢業就應該返香港，阿浩亦都會搬走，至於我，畢業後就會搬出三藩市，到時候先决定揾工作還是同Joe合作做房地產投資。所以今年八九月左右就要搬，依家住緊間屋我冇打算賣，雖然呢個鄉下城市冇乜升值潛力，不過長線放租應該都唔錯，反正香港賣物業嘅錢都夠我用。  

好快已經禮拜一開學，生活又回復正常，我同以往一樣報嘅堂都係早堂，基本上每日中午食完晏之後都唔洗上堂，呢個學期嘅堂又冇上個學期咁多Project同功課，日子過得輕鬆好多。小詠同阿浩就全部都係下晝同夜晚堂，同以前一樣，見到面嘅時間唔多，我起身佢地仲瞓緊，我返到屋企佢地出咗去返學。更重要係自從畀我發現咗佢兩姐弟嘅關係之後，阿浩變得更加肆無忌憚，如果佢冇帶女返屋企過夜嗰晚，差不多一定會去小詠間房度瞓！有時更加會響我面前抽佢家姐水，感覺上可能因為就嚟畢業，大家嘅生活變得越嚟越放縱！  

禮拜三嘅中午，食晏嘅時候，Aaron又神神秘秘咁同我講「尋晚小詠係咪冇響屋企瞓？」「我冇留意喎！我十點左右就瞓，好似得阿浩同佢條女響屋企。」「咁就係啦！尋晚小詠應該去咗條白鬼仔度瞓！」「你點解可以咁八？係又點？又唔關我事！」「呢條女真係淫底，好彩你同佢分咗手！」我心諗，你淨係知道佢去條白鬼仔度過夜，如果知道佢同阿浩嘅嘢，唔知會有乜反應！「點解你咁清楚？我同佢一齊住都唔知咁多嘢，你係咪想上佢呀？我唔介意喎！」「哈哈！我已經夠忙，小詠留返畀你！等陣去唔去Gym呀？次次都得我同Joey！」幾點呀？」「四點，做完去食飯！」「好啦！咁我返屋企先，等陣見！」  



同Aaron食完飯就直接開車返屋企，啱啱開學其實冇乜嘢做，我打算返去休息陣先再去Gym，反正都係十幾分鐘車，好快到。返到屋企差唔多兩點，阿浩同小詠都係兩三點左右上第一堂，所以呢個鐘數屋企肯定冇人。不過世事係冇絕對，如果唔係人生就唔會咁多姿多彩啦！