一個香港留學生在美國的生活: 教琴

自從同小詠分開，雖然同住但各自各生活，Aaron 女朋友又過咗嚟，Joe又攪大咗Joyce個肚，我嘅生活變得越來越平淡簡單，除咗返學放學，好多時候連做Gym都係一個人，Weekend就更無聊，以前玩開班朋友走嘅走，畢業嘅畢業，Senior Year非常枯燥乏味！唯一仲有啲樂趣就嘅係教琴，Joey耐唔中仲有學Violin，不過大部分時間見面都係扑嘢多過學琴，至於大學入面我仲Keep住三個鋼琴學生，當中兩個Freshman Year男學生，唯一一個女學生就係Addie，Addie係跟咗我最耐嘅一個，今年準備幫佢報考八級，所以除咗平時一個禮拜計學分嘅一堂之外，我仲會幫佢另外補課。  

今個學期成日都會碰到Addie同佢男朋友Kevin，除咗響圖書館，我仲好多時響Student Union見到佢地一齊食飯，甚至有一次我一個人去戲院睇戲，坐響我前面竟然係Addie同Kevin！不過佢兩個並冇同居住埋一齊，各自各有Roommate住Apartment。而我同佢地，響學校碰面多咗，自然就開始熟絡，耐唔中都會約下響Student Union 食個晏！Kevin係一個百分百書蟲，除咗讀書就鐘意影相，成績長期維持3.9以上，響學校仲係攝影學會嘅會長，唔好睇少呢樣嘢，作為一個香港人，響一間大部分白人嘅大學可以做到會長絕對唔簡單。  

Addie每逢禮拜四六點到七點上堂，每次放學Kevin都會響Art Building外邊接佢，補堂就好隨意，不過大多數都係五六點嘅時候。由於唔定時，補課嘅話Kevin就未必可以接Addie。今日禮拜二，我啱啱同Addie上完補課，「好啦！你進步好多，二月考試應該冇問題！」「都係阿偉你教得好姐！」「咁夠鐘落堂啦！」「咁我係咪繼續一個禮拜補多一堂直到考完試？」「呢個隋便你，反正我有時間又唔多功課我都可以同你上堂！不過你都要練習多啲喎！」收拾好間琴房，我同Addie一齊行出正門。  

十二月已經改咗冬季時間，五點未到已經天黑，行到出Art Building外邊見唔到Kevin，「咦！今日Kevin冇嘢接你？」「佢有Project要做，嚟唔到，我自己走得啦！」「你有開車？咁一齊去攞車？你泊響邊個Lot？」「Business Building後邊嗰個！」「我都係喎，咁一齊行啦！」行到一半，Addie就問「你仲記唔記得上次響London玩？我好想再去多次！」「想去今年聖誕再去囉！」「唔得啦！又要準備考琴，London天氣又唔好！上次冬天去又濕又廠凍！下次我會Summer先去！」「估唔到咁快就兩年！嗰陣你仲未認識Kevin。」「我記得你嗰陣時好似啱啱拍拖！」「係呀！你咁好記性！」「係呢，成日你都一個人，最多係同Aaron一齊，唔見你女朋友小詠嘅？」「我地分開咗！」Addie擘大眼望住我「點解嘅？」我笑住話「因了解而分開囉！」我當然唔會講咁多，輕輕帶過就算！「咁你依家咪一個人？」「一個人唔好咩？仲有咁多朋友！」我地一路行到攞車，再冇提過小詠。回想起上次London同Addie玩嗰幾日，我估如果出手追佢，應該有機會成功！可惜佢依家已經有男朋友，順其自然啦！  

 聖誕節假期前一個禮拜係Final Week，考試同Project Due，我要集中精神完成呢個學期四堂Core，唯有Cancel所有Piano Classes，學期最後一日，大部分學生都會離開校園放l假，好似以前咁，我一係返香港，一係去英國或者加拿大，如果唔係就留低讀Winter Session。小詠同阿浩就一齊返香港探父母，Aaron就同Lisa去New York過白色聖誕，Joe就繼續留響屋企陪Joyce，聽講預產期係三月，而我就打算去Vancouver 探下細佬，book咗22nd機票由三藩市出發，打算去玩兩個禮拜先！點知今日收到Addie電話「阿偉，你下禮拜有冇時間上堂呀？仲有兩個月考試啦！」「你繼續練習應該冇問題，可以考前兩個禮拜再補堂ok喎！」「我仲係冇乜信心！」「咁禮拜二啦！我廿二號去加拿大，要一月初先返！」「咁到時見！」