一個香港留學生在美國的生活: Senior

Napa Trip完咗冇耐就開學，大學第四年嘅第一個月，好多嘢不知不覺中已經改變咗，小詠終於接受我地分開嘅事實，大家雖然同住，不過各有各的生活，小詠開學之後開始有啲日子響外邊過夜，我當然冇過問佢同邊個一齊，響屋企嘅日子我哋又保持肉體上嘅關係，真正係各取所需。  

阿浩就繼續同對大陸姊妹花Macy Camy攪埋一齊，話就話同家姐拍拖，但係有好多時係Camy響度過夜！阿浩仲有三年先畢業，如無意外，下年我同小詠畢咗業之後佢就會搬走，不過呢啲係將來嘅事啦！  

Aaron嘅生活就比我精彩得多！佢個香港女友Lisa八月尾正式入讀南加州一間大學做交換生，仲成功申請到學生簽證可以留低讀到畢業，Aaron就每隔兩三個禮拜就落去LA報到，唔洗去LA嘅日子就留響度溝女。今個學期我同Aaron開始同班台灣仔埋堆，最近同Aaron出雙入對嘅Kerry就係其中之一！Kerry並非Aaron女朋友，連地下情都唔係，關係同Joey一樣，純屬SP，呢種性格嘅女仔響比較保守嘅台灣人圈子入面好少有。  

自從畢咗業之後就人間蒸發嘅阿Joe最近終於浦頭，佢打畀我嘅時候我正響圖書館借緊書，我口唯有行出門口聽電話，「喂？Joe少，你終於覆我Call啦？」「你估我想架咩！你響邊呀？」「圖書館！」「咁你有冇時間？我有嘢同你講！」「又乜呀！又溝到新女？」「唉！我都想！你估我係你同Aaron咩！」「好似好嚴重咁，乜事呀？」「我下禮拜結婚。」「吓？」「我話我下禮拜結婚！」「同邊個？「「Joyce。」「你講真？」「我似講笑咩？Joyce有咗，已經四個幾月啦！」「扑街！你平時好小心！點會中㗎！」「中咗就中咗！又唔忍心叫佢落咗佢，咁咪結婚囉！」「Uncle Auntie點講？」「我都咁大個人，咪鬧咗兩句，咁都冇計！其實結婚都好，早生仔早自由！」我已經完全無語！估唔到Joe呢個大滾友大學一畢業就成家立室結婚生仔，佢個婚禮好低調，只係去咗City Hall簽張紙就算，又冇擺酒又冇行禮，佢哋結婚後第二個禮拜我出三藩市同佢兩個食飯當慶祝，Joyce已經見肚，佢仲要讀埋呢個學期先夠分畢業，真係祝佢好運！之後我同Joe各有各忙，響我畢業前呢一年都冇乜機會見。  

同Joe約好下禮拜會出三藩市食飯，收線之後，正當我行返入圖書館「阿偉，咁啱嘅？」「Hello Addie，真係好少響圖書館碰到你喎！」「時間唔啱姐！我都成日嚟㗎！呀，介紹你識，呢個係Kevin，呢個係阿偉，我嘅Piano Instructor！」Kevin伸手同我握手「Hello阿偉，你好！我都係香港嚟，Engineering Major。」「你好！其實我都係學生，Senior Year Business Major，教琴係我part time job，搵下外快！」傾咗兩句 Addie話「咁下禮拜上堂見啦！」跟著Addie同Kevin行電梯上二樓，從兩人小動作嚟睇，佢地已經係男女朋友關係。今個學期除咗四堂Core Classes之外，我仲take咗一個credit Beginning Golf，由於上學期已經考完Violin 所以唔再需要上堂，不過我仍然繼續響大學教Piano，一共有三個學生，其中每逢禮拜三六點響Theatre Building同Addie上一小時課。  



離開圖書館嘅時候，電話又響起，今次係Aaron打嚟「做唔做Gym？」「唔啦！啱啱借咗書，呢幾日要趕起份Report！」「你唔好癲到咁！吊頸都要透吓氣啦！」「你冇人陪你咩？搵你個Kerry囉，Joey都可以！」「Joey 下晝有堂，我已經約咗佢今晚食飯！」「咁唔阻你啦！我返屋企食自己！」「你真係要食自己，頭先我先見到小詠同條鬼仔一齊，佢響Parking Lot上咗鬼仔㗎車，我睇佢今晚有節目！」「呢啲嘢已經唔關我事！唔同你講！Bye！」 

小詠最近同條白鬼仔一齊我又點會唔知！返到屋企真係得我一個，阿浩都未返，於是我開電腦準備做埋份Paper，點知開機發現有New Message！