一個香港留學生在美國的生活: Gym

今日禮拜四，轉眼first summer session已經完結，下個禮拜一又開始第二個Session，Fall Semester開學係八月廿八號禮拜一，senior year修讀嘅全部係畢前主修科目，功課非常多，所以唔可能好似以前咁一個Semester take 5-6堂課，由於我過去幾個暑假同聖誕都返咗香港，我會比小詠遲畢業，起一碼要讀多一個Summer，不過畢業禮都係2001五月。  

「今個weekend去邊呀？」Aaron同我上完最後一堂，一齊去Student Union Canteen食晏，「聽日同小詠一齊出三藩市，約咗阿漢同小玲食飯，禮拜六晚先返！」「真係服咗你！仲可以同小詠一齊！」「唔好講我啦！你同條台灣妹又點呀？」Aaron呢個暑假溝咗個台灣留學生，我見過兩次，細細粒眼大面圓都幾可愛，「食完晏咪同Kerry去睇戲食飯囉！響度仲有乜好做呀！」「我仲諗住約你做Gym，睇嚟又係我一支公，重色亞輕友呀！。」「放過我啦！畀我玩埋呢個暑假好唔好！」「係喎，Lisa八月尾去LA啦喎！你有乜計劃？」Lisa係Aaron香港女朋友，Long-D關係竟然維持咗四五年，簡直係奇蹟！「Exchange Student，睇下可唔可以轉身份留底又或者報Grad School，worse case咪結婚囉！」「結婚？玩到咁大？」「冇哂辨法先講啦！」「睇唔出你對Lisa咁長情咁認真！咁你玩還玩，小心條台妹食住唔放！」「你放心，我知分吋！唔講啦！趕睇兩點半，Bye！」  

Aaron走咗之後，我去咗Bookstore買下禮拜2nd Session嘅課本，行返出嚟嘅時候，遠遠望見小詠同一個鬼仔同學一齊，自從上個月我同Aaron大鬧Andri屋企之後，班印尼仔人間消失，聽講由於Aaron事後報警，警方響Andri間屋搵到超量大麻，結果驚動到學校，部份人被逼轉校，另有幾個留學生要返印尼，而小詠亦冇再同佢哋聯絡。至於小詠再同啲乜人玩，我冇過問，不過睇嚟呢條鬼仔應該都係想溝小詠，我搖搖頭，轉身去停車場攞車。 

去到Gym嘅時候大約兩點半，我習慣會先去Café買杯凍奶茶先，今日Joey有返工，「今日得你一個？Aaron呢？」「佢約咗朋友去睇戲。」「同Kerry 吖嘛！佢早兩日先同Kerry嚟過！」「原來你都知道Kerry！」「我仲知道好多你唔知道我知道嘅嘢添！」Joey好狡黠咁笑左兩下！「咁你又知道啲乜呀！」「唔講你知！哈哈！飲乜呀？又係凍奶茶？」「係呀例牌啦！你放工未？我依家去Gym！」「今日放兩點半，差唔多走得，我都打算去Gym，咁你等埋我啦！」於是我搵張檯坐低等，唔洗三分鐘，已經換好衫出嚟，Joey孭咗個斜孭袋扎起頭髮著住件露臍T恤運動短褲加對白波鞋，既青春又性感，睇到我呆哂，「喂！行得啦！」  

我同Joey已經著住運動衫褲，唔洗去更衣室換衫，我地放底個袋響locker就一齊入去跑步，跑咗三十分鐘就做其他器械同舉重，以前多數同Aaron一齊做，做重嘢有個人睇住點都冇咁危險，不過我同Joey玩嘅嘢唔同，佢跑完步就去咗另一邊做啲經鬆啲嘅運動，我唯有自己一個人做啦！我跟返同Aaron一齊做嘅流程，一個一個咁練，玩到最後係瞓響Bench上面舉鐵，冇人幫手睇住真係好易壓傷，正當我四圍望睇下有冇人可以幫下手，Joey就出現響我身後「等我嚟啦！Aaron以前教過我點做，我都幫過佢托著條鐵嘅！」「你真係得？」「你瞓低啦！我得㗎！」見佢咁有信心，咁我就瞓低準備做一set十下，點知一瞓低先發覺Joey咁樣企響我頭後面，我響上望就見到佢對波，做完運動嘅Joey身上散發著獨特嘅體味，再望真啲，隱約中見到微突嘅乳頭，咁嘅環境下我舉咗四五下已經頂唔順，返而細佬就有哂返應扯哂旗！我怕Joey發現，於是我大叫「唔得啦！停啦停啦！今日唔夠力！下次先再練過！」「咁渣㗎！」我將條鐵放返上架，起返身，見到Joey奸笑望住我下面，「哈哈！冇一哂力！唔玩啦！我去掙換衫先！」「出面天氣咁熱，我想游陣水先，你有冇帶泳褲呀？」「我呢條褲已經可以落水，又係運動褲又係泳褲！」「咁去換衫啦！」我睇下鐘，四點未到，反正冇嘢做，於是我同Joey行去更衣室換衫去泳池游水。