一個香港留學生在美國的生活: Tahoe（6）

Amy同我一樣都係瞓唔著諗住去廚房搵嘢食，半夜兩點，全屋人應該都瞓晒，我同Amy輕手輕腳行落樓，我本來以為只有我一個人，所以身上只有T-shirt加條孖煙通，Amy都係得件長袖鬆身T-shirt，不過件衫長到去膝頭哥，燈光又暗，睇唔到佢有冇著短褲！我跟住Amy後面睇住佢背影同對長腿，聞住佢一陣陣嘅體香，細佬好唔聽話咁扯哂旗！ 

落到廚房，Amy就問我「做乜咁夜唔瞓覺？唔洗陪小詠咩？」「佢尋晚飲多咗，一上房就瞓著，叫都唔醒！」「個個都飲大咗，好似得你一個冇醉喎！！」「三四杯紅酒仲未可以隊冧我！咁你咪一樣冇醉到？」「我知自己可以飲幾多，飲到差唔多我就停！」  

Amy一邊講一邊響雪櫃睇下有乜嘢食「好似冇乜剩餸！咁我煮公仔麵？」「不如等我煮啦!Carbonara？」「你識煮Carbonara？」Amy一臉驚訝！「小菜一碟，不如你坐低等我煮啦！」於是我行過去廚房睇吓材料夠唔夠， Carbonara其實好簡單，就係煙肉蛋黃芝士加意粉， 20分鐘唔使就可以煮好，材料都係現成， Amy就坐響後邊吧枱張高櫈，睇住我煮。「平時睇你高高瘦瘦，而家睇真啲你個背影，你身材都唔錯喎！有啲肌肉！」「多謝你嘅讚賞！希望呢隻意粉可以令你滿意！」「一個專注於煮飯嘅男人係最性感㗎 ！」「哈哈哈！你食完先講啦！」我好快就煮好碟意粉，跟住我轉身攞碟意粉去吧枱度諗住同Amy一齊食，一轉身就見到佢坐喺張高凳嗰度，揈下揈下對又白又滑四十寸長腿，睇到我本來已經靜咗落嚟嘅細佬又開始起頭。  

氣氛其實有啲詭異，除咗廚房之外四周都係漆黑一片，我行到去Amy面前放低碟意粉先發現，佢件T恤入邊應該係真空嘅，我得件T恤同孖煙通，細佬又扯到行晒，我估Amy應該睇到。「嘩碟意粉好得喎！勁好味！睇唔出你煮嘢有返兩手喎！」「多謝讚賞！最緊要你鍾意！」望住佢食意粉個樣，諗返起我當初認識佢嘅時候同我單獨約會食晏，呢兩年雖然我同小詠拍拖，但係你話我心入邊對Amy冇其他想法就假嘅！雖然我哋見面嘅時間好少，大部份都係因為Joe約朋友聚會我哋先至會見面，但係我哋私底下一直都有通電話， 我哋嘅話題除咗生活日常，好多時都會講到自己嘅男女朋友，甚至講到各自嘅性生活，我哋嘅關係絕對唔只係普通朋友咁簡單，大家心知肚明，就係差最後一步。  

我會唔會行出呢一步呢？現階段係絕對冇可能！我心入邊小詠仍然係最重要！當我仲喺度胡思亂想嘅時候，Amy已經食晒碟意粉，我幫佢攞咗隻碟放喺廚房洗碗盤入邊「你唔想知點解我半夜2:00唔瞓覺走咗落嚟搵嘢食咩？」「你唔係肚餓咩？你唔好話因為掛住我啊！」我開玩笑咁同佢講「你唔好咁自戀好唔好？」我行返去佢身邊，Amy嘅坐姿真係攞命，佢楝高對長腿放入佢件超大碼T恤入面痞喺張吧櫈度，雙手環抱對腳，望住我陰陰咀咁笑，我細佬已經扯晒旗，有啲尷尬，於是我就轉移話題「咁點解你同我一樣瞓唔着半夜走落嚟？」「因為隔離房太嘈！」「隔離房太嘈？Joe唔係一個人瞓你隔離房咩？」「本來就係一個人， Joyce過咗去就變咗兩個人！你唔使咁樣望住我，你唔好話我知你唔知道Joe同Joyce啲嘢！」我唯有傻笑幾聲「知啲唔知啲咁啦！話晒都係佢哋嘅私隱！」「其實好多人都知，就只有Sam唔知！」「咁其實我都知咗好耐！」「你哋啲男人個個都係咁㗎啦！你咪又係走咗落嚟唔陪女朋友陪我！仲要對住我扯晒旗！」「Amy姐你唔好玩我啦！你着到咁，係男人望到你都扯旗啦！」我覺得我再企喺度到遲早都會出事，但係我又諗唔到有乜嘢藉口突然調轉頭跑返上樓，咁樣好尷尬啫！「你谷到咁辛苦，使唔使放返出嚟唞吓氣呀！」「講笑咩！不如返番上樓瞓覺啦！」「冇膽鬼！」Amy講完就響張凳度跳咗落嚟，轉頭再行咗上樓！我望住佢背影，嘆左一口氣，我又唔係聖人，點解要扮到聖人咁？不過我都冇行出最後一步 ，最後我都係返返自己房，一覺瞓天光。