一個香港留學生在美國的生活: 替身(1)

成餐飯聽住小詩講佢過往嘅情史，佢冇好深入咁同我講細節，只係輕輕咁帶過佢同Jeff之間嘅關係，雖然佢講得雲淡風輕，好似毫不介懷咁，但係我感覺到其實佢仲未放低得到佢上一段嘅感情。 

 食完飯之後，我同佢兩個竟然手拖手響我商場嗰度逛，我都唔知點解會拖住佢隻手，感覺就好似拍拖一樣，但係又唔係拍緊拖，可能佢想搵人慰籍呱！我哋行到差唔多全部舖頭都閂晒門先至返屋企，小詩同平時一樣，都會睇埋最後新聞先至瞓覺。而比較出奇嘅係，我返返自己房瞓！今晚就係咁樣平靜地渡過！ 

 休息咗一晚，禮拜日一早起身已經唔見咗小詩！我睇吓個鐘， 九點都未夠！於是我就自己整早餐，之後就攞咗架單車出去踩。我真係好嚮往加拿大嘅生活， 十分舒適寫意，生活環境同天氣都好好，感覺上就係冇咗香港嗰種壓迫咁，幾年之後我決定去美國留學嘅原因之一都係因為我比較嚮往呢度嘅生活。 

 差唔多中午我先至返到屋企，返到去小詩都返咗嚟，「今早去咗邊呀？又唔寫低張紙話我聽，等我返到屋企唔見咗你！」一入門口小詩就鬧！「Sorry sorry ！我起身唔見咗你，我以為你出咗街，咁我咪自己出去玩吓囉！我咁大個人你唔使擔心喎！」「你係小朋友嚟㗎咋！你唔聽姐姐話，你信唔信我又綁起你吖？」聽佢咁講，又令我諗起琴日嘅恐怖回憶！我急急忙忙跑上樓換衫沖涼。 

 沖完涼出嚟嘅時候小詩已經坐咗喺我間房入邊，「我今日仲冇啲攰，可唔可以唔玩住，畀我休息下呀？」我用條毛巾包住個身，細細聲咁問！「鹹濕仔，你又諗咗去邊？個腦唔好成日淨係諗住呢啲嘢，我入嚟唔可以同你講其他嘢嘅咩？」聽到佢咁講，我唯有傻笑幾下，快快手手着返衫褲，跟住小詩就話：「你仲有兩個禮拜就返香港啦，不如呢兩個禮拜你做住我男朋友先啦！」「吓？你講笑咋嘛？」「我個樣似講笑咩？」我呆一呆，咁我就問佢：「咁即係搵我做替身姐?」「咁你做唔做啊？」「做！咁你仲會唔好似琴日咁虐待我㗎？」「你乖乖聽話我就唔會！你休息陣先啦！今晚出去食日本嘢啦！」就係咁，我就做咗佢嘅替代男朋友！雖然唔算係拍拖，不過能夠同咁靚仔靚女一齊玩兩個禮拜，我都十分期待！ 



 老實講，經過琴日一個下晝，真係俾佢揸干揸淨，到而家我都未曾回氣！於是我就留喺房入邊瞓個晏覺，瞓到差唔多五六點嘅時候，我先落樓。落到樓下小詩已經換好晒衫睇緊電視，佢見到我瞓醒覺，再同我講：「休息完未啊？休息完我哋就出去食飯啦！」 

 嗰晚小詩都係同我返返去Richmond食日本餐，相對於香港，響溫哥華食日本餐係十分之平嘅，當年嘅我年紀仲細，雖然阿爸阿媽有帶我去食日本嘢，不過對壽司嘅認識就唔多，嗰晚係我第一次食原隻龍蝦刺身，又食咗好多唔同種類嘅魚生，仲叫咗成打生蠔，小詩話俾我補身喎！成餐飯都唔使$100加幣！如果響香港食，我估起碼都要四五千蚊先可以落樓！ 

 食完飯我陪小詩我附近嘅商場行咗一陣，跟住就陪佢去睇咗套戲。直覺話我聽佢仲未喺佢情傷中恢復，睇嚟佢真係想搵個替身響呢兩個禮拜入邊陪佢。我哋返到屋企之後睇咗陣電視就去瞓覺，我分享佢房度，成晚攬住佢瞓但係就冇做愛。可能佢知道我仲係好攰？又或者佢真係只需要一個男人攬住佢瞓佢就已經好滿足？禮拜一一早我又再開始我第二個禮拜嘅Summer camp ！