一個香港留學生在美國的生活: Monterey

一月一號係假期，響美國差唔多所有舖頭都唔開門，除咗中餐，大部分西餐廳都一樣唔做生意，我同小詠只係叫Room Service，全日就響房入面食、瞓同不停咁做愛！而小詠嘅做愛同口交技巧越嚟越好，我地試咗不同體位，由浴室客廳到陽台都做過我地戰場，小詠十分享受性愛，佢會主動要求同我做，估唔到短短兩日變化咁大，可能呢個係深埋響佢心入面嘅基因，過咗廿年望返轉頭，其實一切都係整定，小詠同我一樣係一個不甘寂寞嘅人，我同佢同居三年，不停咁有男仔響佢身邊出現，除咗頭一年之外，佢背住我偷食無數次，當然，我都有同其他女仔上床，到大學最後一年，嘈交已經係日常生活一部份，好多時佢直接去外邊過夜，分手，已經係無可避免。  

二號係禮拜五，並唔係公眾假期，百貨公司已經開門做生意，我同小詠行咗一日街，夜晚返到酒店又做咗個couple spa，由於我地住嘅係頂層最大嗰間套房，酒店可以安排響房入面做spa，兩張按摸床放響落地大玻璃前，望住無敵靚景，點着香薰，真係好正！  

第二日十點左右check out，小詠一直問我跟住去邊，「我地今日向南走，大約兩個半鐘頭車程，我地會去Monterey同Carmel，嗰度好靚㗎，仲有間好大嘅水族館，我估你一定鐘意，不過講明先，我都係第一次去咋！」「同你一齊去邊玩都一樣！」「儍妹！我book咗酒店住三晚，呢間酒店得普通房，不過我都訂到高層向海，風景應該唔錯！」  

我哋開車沿101公路向南行大約四十分鐘，去到另一個小城Palo Alto，亦即係Stanford University所在。我出咗公路入到大學區搵地方食晏，呢區風景優美，綠樹成蔭，我跟據Joe畀我嘅資料，響University Avenue搵到間意大利餐廳，係Joe少強力推薦，只要係Joe介紹，基本上唔會差！食完晏本來想行陣大學城，不過睇下鐘，已經差唔多兩點，仲要揸成兩個鐘車先到Monterey，最後都係打消念頭，繼續開車上路。  

離開Palo Alto向南無耐就係南灣區，Joe嘅屋企就響一個叫Los Alto嘅地方，呢區有好多高科公司，我對電腦科技冇乜興趣，所以大學選科都冇選同電腦有關嘅學位。開車再向南走去就係比較荒蕪，人煙稀少嘅地方，直到去到沿海地區嘅1號公路，風景才為之一變，可以望見一望無際嘅太平洋。Monterey係一個大海灣，亦係渡假勝地，1號公路就係沿著海岸線而走，遠遠已經見到我地嘅目的地。本來瞓咗覺嘅小詠終於醒咗，好興奮咁四圍望！