一個香港留學生在美國的生活: 送機

做完運動返到屋企差唔多四點，阿君已經𢴇好行李可以出發，而小敏就唔響度，我估應該返咗屋企。阿君行李唔多，一大一手提加個背囊，於是我問阿君：「我們先去三藩市吃飯，然後才去機場好嗎？」「沒有問題！麻煩你開那麼遠的車，今天晚上讓我請客吧！」「大家同住一個屋簷下，不用那麼客氣！今天晚上我替你餞行，我來請，你愛吃什麼？我知道三藩市近downtown有間法國餐廳，響一間bouquet hotel地庫，十分好食，如果你有興趣我就訂位！」「你決定吧！食飯那裡好我不太懂的！你們香港人比較利害！哈哈！」「好吧，我先訂位，然後出發！」  

十二月美國已經進入冬季時間，五點唔夠已經天黑，禮拜六近聖誕假期好多人會出三藩市Shopping，沿住80號公路住西，大部分路段都慢車，我地差不唔多七點先去到三藩市，前後揸咗三粒鐘。阿君坐嘅係星航，先停香港再飛新加坡，半夜十二點半起飛，我地有大把時間，十點前去Check in就可以。  

三個鐘嘅車程我同阿君傾咗好多嘢， 對大家嘅背景了解多咗好多，阿君有兩個家姐一個妹，家族生意遍佈星馬，我估十分有錢，不過佢人非常低調，我同佢住咗兩個月根本睇唔出佢有錢，阿君同我講佢阿媽同家姐二月過農曆新年嘅時候會過嚟美國探佢，到時佢會瞓廳，我當然冇問題啦！  

入到餐廳坐低，已經七點半，呢間French都係Joe介紹，同Union Square距離只有兩個Block，響一間百年舊樓改建而成嘅bouquet hotel地庫，三藩市最多就係舊樓，呢坐舊樓仲有用手拉鐵閘電梯，餐廳地方又細又窄，不過服務還可以，呢度係食country French，唔係乜嘢高級法國菜，我哋隨意叫咗頭枱同主菜，餐廳signature dish係個甜品soufflé，我同阿君一人一個，食完我堅持我請客，算係餞行同多謝佢分租半個Apartment畀我。  

食飯嘅時候估唔到阿君主動提起小敏仲問我點睇，我諗咗陣，最後都係將我同Alan嘅顧慮同佢講，點知阿君話佢完全明白，佢只係想揾個伴同有個人照顧下起居飲食！佢都話佢阿媽係唔會接受一個大佢咁多嘅女朋友，所以二月佢阿媽家姐嚟嘅時候要幫佢保守秘密！聽到佢咁講我都放心啲！  



送佢到機場都未夠十點，佢坐Business Class所以Check in 好快，送完佢入閘我就返Joe屋企，到一月中會再接阿君機。