一個香港留學生在美國的生活: 假期開始

禮拜日朝早，我起身嘅時候已經十一點，Aaron同京子已經沖完涼收拾好，響出面食緊早餐，「我車京子返屋企先，跟住要同姨媽交人，我尋晚冇返屋企瞓，今日實畀人照肺！」佢地走咗之後我先去沖涼𢴇房，張床單上面全部都係閪水同精液，諗返尋晚發生嘅事，仲好似發夢咁，不過估唔到係，咁瘋狂嘅性愛遊戲響我日後大學生活中仲陸續有嚟！  

沖完涼換衫嘅時候Joe就打嚟「餵！你開車未？我訂咗今晚七點食飯呀！夜晚有牌打，你打唔打麻將㗎？我啲大學同學都係香港人，打廣東牌，輸晒最多都係一舊水。」「我好少打，不過陪你去玩下都好吖！」「仲有你諗住會出嚟幾多日？我安排下節目！」「我住到禮拜五啦，thanksgiving 同你過？」「冇問題，咁我安排啦！你有我間屋匙，如果你到咗我又未返你自己攪掂！」  

我兩點出車，由於今日係禮拜日，出三藩市會塞車，我開咗差唔多兩個鐘先到，Joe真係未返到屋企，於是我放低背囊，去廚房揾嘢飲，行到去廚房嘅時候，我又諗起Nancy，佢仲記唔記得我呢？正當我想東想西嘅時候Aaron打電話嚟：「兄弟，我愛你！如果要畀一個年限，我會愛你一萬年！」「我屌！你去食屎啦！」「我終於大個仔啦！告別十八年處男生活啦！太感謝你啦阿偉！你幾時返入嚟呀？我地食餐勁嘅！我請！」「我禮拜五朝早先返，點呀？送完京子返屋企？有冇機會再約呀？」「唔知呀？佢冇請我去佢屋企，不過我覺得佢唔抗拒，我會再試下約佢，你唔介意我單獨約佢吖嘛？」其實我真心想慢慢淡出同京子嘅關係，小詠仲有一個月就到，我冇可能一腳踏兩船。「你約咪約囉，唔洗理我，我同京子純屬炮友，你都係呀，唔好瞓身呀！」  

同Aaron收線冇耐Joe就返到，「喂！唔好意思！頭先要送份Notes畀同學，傾耐咗遲咗返！你幾點到㗎？我地六點三出門口，七點reservation，食完返嚟開枱，去我朋友個Apartment，就響附近。」「好呀！你話事！」「咁我換咁我換衫先，你自己招呼自己！」  

今晚去食嘅係間家庭式法國餐，餐廳好細，得幾張枱，老闆兼主廚係法國人，十分熟悉熱情好客，好明顯Joe又係常客，老闆一見到佢就攬頭攬頸，又送咗兩杯virgin cocktail 畀我地。餐廳食物水準一流，我點咗一個法式蝸牛，青菜沙律，燉牛肩，甜品係水果拿破輪，埋單後仲要送兩個外賣甜品！食咁多嘢都唔洗五十蚊一個人，真係好低食！