全實景系列《香檳大厦 1:55 am 行人止步》重製版 (已完結): 【後記3：？】

2019年12月14日
香檳大廈B座某單位 – ?
　　　　
※※※※※※※※※※※※※※※※※※※※※※※※※※※※※※※※※※
　　
昏暗中，有人撻著了打火機，點燃了一支香煙。
　　
那個人大啖地吸了一口，一面把火機棟喺張檯上面，細細力敲打著，發出「篤篤」嘅聲音。




　　
單位內無開燈，亦無拉開窗簾，窗簾係厚身嘅布料，完全遮光嗰種。
　　
唯一燈光只有嚟自男人身後神枱燈，神枱燈紅色，上面並沒有供奉任何神像。
　　
暗紅色嘅一盞神枱燈映照四周，係一個普通住宅單位。
　　
除咗男人之外，單位中間嘅地上，仲瞓咗一個人喺度。
　　
嗰個人微微掙扎了幾下，然後用手踭撐起自己，坐起身。




　　
「呢度……咁黑嘅……」那個人摸住後腦，覺得有少少痛。
　　
「你終於都嚟喇！」單位中嘅另一個人出聲，把坐係地上面嘅人嚇一跳。
　　　　
「邊個？」地上面嘅人本能地想找住地上面嘅物件，卻沒有搵到：「我把槍呢？」
　　　
「哈哈哈哈……你終於都嚟到喇！」另一個人笑得聲嘶力竭，甚麼笑得有點瘋狂。
　　
「你到底係邊個？呢度係咩地方？」地上嘅人連連向後爬，顧不得腳上嘅人字拖甩埋。




　　
另一個人慢慢走到地上面嘅人面前，佢嘅身影遮住了紅色嘅神枱燈，單位顯得更加黑暗。
　　
「哈哈，你唔知我係邊個？」另一個人拿出打火機，放係二人面前。
　　
「咔嚓！」熾熱嘅火閃爍著。
　　
「我等咗你好耐啦﹗」隔著火機，德哥瞇著眼，不懷好意地笑著。
　　　
(後記3完)