【純愛】想要成為你的一半: 第四十六章

聽過Lue Sir的意見後，我好像已經完全想通了。

現在的我對Rachel的感情絕對不是愛情，純粹是內疚和自責導致自己產生了錯覺，認為自己還愛着她，想跟她在一起。

從前錯過了一個她，或許未嘗不是一件壞事，
令我找到下一個她。

愛情本來就不是三言兩語可以解釋出來，沒有百分之百的對錯，有時候不必想太多，相信自己的直覺，相信對方，
想愛就去愛，結果不一定會是完滿，但至少自己不會後悔。





只有兼具甜蜜和傷痛才能稱得上是愛情。


雖然我和Chloe相識僅僅半年有多，相處的時間和經歷的事相比和Rachel少得多，但感覺要來得更濃烈，更刻骨銘心。

Rachel的出現反而更肯定了我對Chloe的愛。

既然我摸清楚自己的心，這樣不就依舊相安無事嗎？

慢着，我解決了自己的部份，但Rachel的部份還未處理好，總覺得她心裏隱藏着一些心事，而且是和我有關的。





反正也要和Rachel敍敍舊，那就順道跟她說清楚，
看看能否讓她釋懷吧。


幾日後……


「其實呢，點解你會返嚟香港嘅，又唔同我講，
咁衰㗎你。」





「咩呀，你無睇我IG㗎咩，仲話係friend，好差囉你！」

「係我唔啱啦，等我而家睇下先，咪住先，你IG叫咩？」

「係咪玩嘢呀你，本小姐嘅IG都唔知，打得少呀你！」Rachel使勁拍打我的手臂。

「痛呀痛呀，講笑咋，靚女嘅IG點會唔記得吖。」
我對她單一單眼。

「白痴仔，有無咁誇張，你對個個女仔都係咁口花花㗎？同你女朋友講話你周圍撩女仔先…hehe…」

「嘩！頂你，死得人㗎！」

「睇嚟你俾佢教到聽聽話話啵。」





「係呀係呀，滿意？」

「你而家咁咪幾好，估唔到幾年之間咁多嘢唔同左，
而家呢個香港真係唔知點講，有啲陌生又有啲熟悉咁。」

「我地都係啦，我走果時你仲話18歲會飛嚟搵我，會俾個滿意嘅答覆我，點知…」她接着說。

「Sorry，最後我…都係做唔到…」

「唔洗sorry喎，都覺得你係講下㗎咋，我無放係心度。」

「上次…上次呢，我咪講左對你仲有咩…咩嘅…」我摸着頭說道。

「嗯？」她惘然的凝望着我。