我成為了她的恐怖情人: 14.表白

14.表白

係我認為，我同李曉嘅感情進展都差唔多嘅時候，我選擇咗係每一星期嘅行上練習之後去佢屋企附近食糖水，而約咗之後李曉就已經話好，果次係我第一次單獨同佢去食糖水，食完糖水之後我亦都送咗佢返屋企樓下，我曾經聽過佢講過佢唔鍾意人哋送佢返屋企，雖然到而家我都唔知點解但係呢個就係佢，夠有性格，永遠都好似觸摸唔到佢心諗咩，好有挑戰性。慢慢久而久之我每星期練習完之後都會去搵佢食糖水，慢慢呢個成為左同佢獨處嘅小時光，好似每一個星期都好想去同佢去食糖水，慢慢鋪排到可以表白嘅日子。

有時又會食完糖水之後，散一散步，可能同佢兜遠少少都係為求見多一兩面。

有一次佢落嚟食糖水佢同我講
李嘵：「呢排我成日落嚟食糖水，我每次出門口嘅時候屋企人都問我係咪識咗新男朋友。」
：「下，你平時冇同人食糖水嘅咩」
李曉：「有嘅，不過唔係成日囉，雖然呢一間糖水舖我都成日同我個EX黎」




：「係呀」我聽咗呢句心情有啲複雜。

之後又過多幾個星期，每星期都同佢去食糖水，至少佢從來未缺席過，而我都未缺席過。係呢一個星期我同佢嘅感情真係升溫咗好多好多好多。我喺同佢食糖水嘅時候，忐忑咗好耐應唔應該同佢表白，忐忑到
佢問我：「你今日做咩啊成個人都唔同咁樣」
：「冇啊，我諗緊嘢咋」雖然唔知呃唔呃到佢

然後喺行返去嘅時候，佢同我講不如行嗰邊，我認為佢feel到我想同佢表白，所以繼續一直忐忑落去，直至去到佢屋企附近嘅一個商場，再行就唔會再有機會再講，想在此刻，同李曉表白。 我唔知係邊度嚟嘅勇氣（我未試過當面表白🥶）我同佢講：「我有啲嘢想同你講」聽到我咁講之後李曉擰轉頭望住我 ，然後我再鼓起勇氣捉住佢對手，隻手好柔軟好滑，呢次係我第一次捉住佢隻手，然後事到如今我就抱住死就死嘅心態去講

：「我鐘意你，你可唔可以做我女朋友」講咗呢一句一直不敢講嘅說話。 





心跳頓時加速，等待她回應的時間好像特別久，

每一秒對我來說，

都好像過了一個小時一樣， 

很漫長， 很漫長，

空氣好像凝住了般，世界變得寧靜...





然後思考咗好耐，我望住咗佢好耐，望住佢迷人嘅雙眼，然後終於等到佢嘅答覆

：「我唔清楚」

我當時嘅心情係，我啱先問佢嘅問題乜有唔清楚呢個選擇咩。然後我就開始繼續捉住佢慢慢同佢講：「我好鍾意你，你慢慢同你接觸嘅時間我覺得好舒服，慢慢開始覺得我同你好夾，然後慢慢我會去買埋早餐俾你⋯⋯」下省略大概5至10分鐘。然後佢第一句同我講

：「呢度好多蚊咬我，可唔可以去第度再講」
：「我怕我行開咗就再冇咁嘅勇氣，你係我第一個女仔夠膽當住你面表白。」
：「但我唔清楚其實我都有少少鍾意你，由你腸胃炎入醫院嗰一刻我就知道我對你有感覺，但當時仲有司徒，我冇辦法係兩個邊揀，然後慢慢我生水痘嘅時候你會陪我坐，你係我最近識嘅人，入邊唯一見過我素顏嘅樣，就係係孖橋，啲指向是醫生嗰日我都好希望你喺獅子山頂同我表白，但係你冇做到。你俾啲時間我，我需要諗清楚係咪真係同你去開展呢段感情。同埋呢度真係好多蚊」

係個一刻嘅我都知道自己再冇其他嘢講，然後就慢慢送咗佢返去屋企，然後係等待嘅時間繼續好似平時同佢一齊咁曖昧咁樣。慢慢，慢慢，繼續做好多我同佢單獨會做嘅嘢，可能係跑步啊，出嚟食吓飯，我陪佢溫書。然後繼續keep住每個星期都會同佢食糖水，但係佢表明左我鍾意咗佢之後，我同佢好似更加啲親密左。