我成為了她的恐怖情人: 12. 生水痘

12.生水痘

時間又過多左一排，我同李曉都係照樣每日一齊食我買嘅個份早餐，幾乎每日都尖沙咀830堂，每日食晏都係一齊食，上堂都係坐大家附近，放學都會盡量一齊走，嗰陣時嘅時候Dear Jane咁啱出咗戀愛三部曲，嗰陣時佢，佢會問我借耳機嚟聽，但佢明明自己都有🥲，然後坐喺佢後面，睇住佢聽三步曲聽到喊，就知道呢個女仔一啲都唔再簡單，亦都知道呢一個女仔有好多故事。

時間又過多左一排，慢慢同李曉開始講心事，慢慢知道佢更多嘅嘢，可能討論下大家不如意嘅事，又或者講吓班上面嘅是非。好多時都會係我同佢嘅WhatsApp中提及。慢慢久而久之，我已經習慣咗呢一個女仔，每日都出現係我生命入邊。並且每日都陪住我生活咁樣。

但，好景不常，佢有一日突然之間返唔到嚟，係因為佢生水痘，返學冇咗佢我好唔習慣，慢慢變到好似沒精打采，慢慢開始唔係太想返學，因為冇人再陪我食早餐，亦都冇人再陪我食晏晝，亦都冇再有人同我一齊走，但係學校需要take attendance，冇得選擇唔番。

每日嘅行屍走肉，真係好苦悶，慢慢我哋嘅課堂都嚟到尾聲需要佢真係一啲present，但李曉因為冇返學，或者係冇得返學，所以佢平時上堂都冇返嚟，然後因為一次present真係再推唔到，而Miss亦都多次改時間，去到改冇可改嘅時候，李曉話佢會返嚟，並且會全程戴住口罩等等，希望可以攞得到present嘅分數。





但問題黎啦，李曉同司徒原本係同一group ，但因為李曉同司徒攤左牌，而功課亦都做咗，所以佢哋都係一齊present，我就坐喺下面，睇住佢兩個present，然後司徒作左一啲寒暄，而李曉Present完之後冇即刻走到，可能係想等下人，但個問題黎啦，班上邊有好多人都唔記得或者唔知道自己有冇生過水痘，而司徒係記得自己冇生過水痘，所以佢一直都同李曉保持距離。

但我當時就記得自己好似有生過水痘又好似冇生過水痘，但又唔忍心李曉自己一個坐，因為其實李曉係冇返學嘅時候都有keep住同我WhatsApp，所以慢慢我哋建立左一個互相扶持嘅人，並且係WhatsApp得知李曉因為自己生水痘，而面上多咗好多水痘同水痘印，漸漸地覺得自己唔靚女，並且慢慢失去左信心，所以係呢個時候我諗到呢一樣野，我諗都冇諗過就已經坐咗係李曉隔離，當時嗰一刻周圍都冇人夠膽坐底，而我喺呢個時候唔知道自己有冇生過水痘，就決定咗坐係李曉隔離。

呢一個舉動又將我同李曉嘅感情推進咗好多。