這一晚，有個陌生女孩睡了我的床: 第五章

「啊啊～」她打了一個大呵欠，我問她不回家嗎？她說你回吧，謝謝我今天陪她，她聊得很高興。 我說她不回家，那我也不能回呀。 她卻給了我一個頗為驚訝的答案。
 
她抱膝而坐，深呼吸一口氣然後吐出這句：「我……我無屋企返……」
 
「同屋企人嗌交啊？算啦屋企人邊有隔夜仇架，返去啦，唔係佢地會擔心架。」
 
「唔係啊，我講真架，我真係無屋企返。」
 
我的大腦完全不能分析這句「無屋企返」的原因，在香港，一個妙齡少女會無家可歸？什麼年代？
 




「咁，咁去朋友度訓住先？」
 
「我都話無朋友......」
 
「都唔會一個都無掛？」
 
「我……唔想搵佢地。」說到這裡，她站了起來，背著我說：「真係唔洗理我，你由我係度。你走啦。」
 
如果這句說話，是老闆跟我說，我會說再見，然後下一秒馬上不見跡影。可是對著她......我實在不能。
 




「咁我都唔走，陪妳坐。」
 
「傻架咩，走啦你，做咩要陪我？」
 
「唔陪都陪左妳咁耐，我真係擔心妳嘅安危先過嚟，而家我都未完成我任務，我係唔會走。」
 
她聽到後楞了一楞，笑了笑說：「你咁樣做人，會好蝕底。」
 
「我都覺，我咁靚仔，比妳免費望咁耐，乜都望蝕哂啦！」
 




「你個頭就蝕，係你賠返錢比我！」 「其實你係咪好易就唔記得野嘅人嚟？」 「點解咁樣問？」 「無呀......只係好奇啫。」 「我記憶力不嬲都唔太好。」 
這樣嘻嘻哈哈，我們又聊到六點。
 
「嘩！原來日出嘅感覺係咁清新。」
 
「嗯，真係好靚。」
 
我們一起抬頭，在同一片天空下，享受著同一樣的日出。
 
感覺，真是浪漫極了。
 
「而家都日出啦，你可以唔洗擔心我啦，你返去訓啦。睇你成個熊貓眼咁。」
 
「係咩，我好精神啊。」
 




其實我說謊，現在我的眼皮已經重如千斤，大概一閉上眼就能睡著。
 
「扮野，走啦你。」她輕力推了我一下。
 
「咁你呢？」
 
「我諗住一個人周圍行下。」
 
她又補充一句：「真係唔擔心我，你男人之家成個女人咁婆媽嘅，走啦。」
 
「咁......我地會唔會留低聯絡方法......第日再約出黎？」
 
她沉默了一會，然後才開口說：「你唔覺得咁樣，先係最美好架咩？」
 
即是？




 
「再見啦，拜拜。」她揮手。
 
我也只好揮手。
 
我轉身離開，沒有回過頭，我也忘了是我太累，已經無意識，
 
還是因為怕捨不得，捨不得一個只認識四小時的人。
 
 
 
 
 
「相識久了，大家都會暴露大家醜陋一面，最後互相討厭對方。所以留著最初的印象，是最美好的。」
 




「可是這樣，兩顆心如何能靠近？」