我倆的緣份，於半世紀前已經開始: 詩敏的意思

「係Tony打算同我結婚後，生個囡囡，就叫佢做詩敏Jasmine」

「婆婆….我冇估錯…..生仔….就叫…….逸風?」

婆婆含淚點一點頭

「契爺佢….知道?」

「阿風當然知道，如果唔係，點解大家姐會叫程詩敏」





「媽咪，妳仲打算講埋所有事?」

「嗯….」

「咩事呀婆婆?」

「係婆婆心中，張詩敏，唔止一個，係有4個」

「4個?」





我聽到婆婆咁講後就望一望媽咪

媽咪都向我點一點頭

「當年…婆婆流產過幾次，先陀到妳媽咪」

「我知呀」

「而我果三次，都係陀到女，即係妳有3個姨媽」





「婆婆，妳每一次都打算….」

「係，人地話好唔吉利，但係我都堅持，個女要叫詩敏。所以妳媽咪一出世，我就立即同妳公公講，個女叫詩敏，英文名Jasmine」

「咁婆婆妳知道大家姐又用返呢個名果時…..」

「呵呵…果時我諗…..程詩敏，終於出現係我面前….只不過佢唔係我個女同Tony個仔所生。不過我第一眼見佢，我就好鍾意呢個掛名孫女，佢生得同雪凝一模一樣，係婆婆手中最得寵學生嘅囡囡」

「媽咪妳有冇唔開心?」

「點會?婆婆最錫係我，可以令婆婆開心，我做咩都得」

「但係….媽咪妳好慘喎…」

「有咩慘得過妳婆婆佢地幾個?」





「所以慧思….」

「係….」

「婆婆一定會將妳嫁俾浩翹，仲係無條件果隻」

「但係婆婆…我地先拍左…..」

「唔緊要架，婆婆一定會等到妳結婚先會走」

「婆婆妳唔好咁講啦….妳身體仲咁好，妳d獅哮功仲咁犀利」

「呵呵…退步囉…退步囉」





「唔會嘅婆婆，如果我同妳講媽咪剛先食左成包薯片妳會點丫」

然後……….可憐嘅媽咪………….

我係廚房之中，整我嘅拿手小菜

金菇肥牛卷，犀利呢??呢道菜我真係整得出神入化架

仲有我另一樣絕招!!!!

蝦仁炒蛋!!!!

因為哥哥佢好鍾意食蛋，基本上每一日佢要有一樣野食要含有蛋

不過佢好麻煩!!!





佢唔食咸蛋!唔食皮蛋!!

佢最鍾意食雞蛋同埋鵪鶉蛋

“叮噹!!!”門鐘響起

我望一望個鐘，呢個時間，哥哥都未練習完劍擊，會係邊個呢?

浩揚哥哥?唔會丫，佢地通常一齊黎

當對門一打開，我就知道係邊個啦

「Frederica(柏玲)、Elizabeth(柏瑩)」





原來係雪晴姨姨一家人黎到啦

「校長婆婆!!!」

婆婆真係好錫佢地呢d學生、雖然冇教過佢地，但係大家姐佢地果代總係令婆婆非常開心

因為大家姐果班學生，為英華女校立下不少功勞

大家姐係排球隊果到，為學校贏左唔少獎

柏玲姐姐同柏瑩姐姐呢對孖女就係羽毛球上，殺盡全港女校，稱霸女子學界

家琪姐姐就唔洗講，5**狀元

自從婆婆升左校長之後，英華女校各方面都有顯著上升

對於婆婆即將退休，校董會都非常擔心，佢地試過挽留婆婆，不過婆婆以健康同家庭理由拒絕左

的確，婆婆多年花左好多時間同心血係學校上邊，好少陪公公去旅行之類，所以婆婆都決定同公公兩個人享福