我倆的緣份，於半世紀前已經開始: 聯校show開始!!

終於經過媽咪同契媽幾星期嘅特訓，四間真光舉行嘅Talent show開始啦
 
一時之間，我地學校多左好多人
 
大學唔好以為四間真光嘅校服係一樣，其實我地裙個叉位係有分別架，所以我地一望就知，妳係唔係自己人
 
今年其他姊妹校都好有準備，有好多精彩嘅表演，就連空手道都有
 
不過佢地都應該唔夠媽咪打
 




我地成班F.6準畢業生係後台好緊張
 
「妳地，唔好咁緊張好唔好?」
 
「Miss Cheung Miss Lam」
 
「媽咪、契媽?妳地做咩黎嘅?」
 
「黎睇妳地表演呀，唔止我地兩個」
 




係媽咪身邊出現左一堆英華嘅同學
 
「俾心機呀喂!!!!」
 
「姊妹們!!!!圓陣!!!!!」
 
我地成班同學連埋英華同學圍左個圓陣出黎
 
「我地港真妹….is the best!!!!」
 




「唏呀~唏呀~唏~~~~呀~唏呀~唏!」(到而家我都唔明點解我地要咁嗌法)
 
當MC介紹我地上台果陣，我地係上邊試音
 
「各位同學，下一個環節，係港真嘅雙樂團混合表演，表演歌曲係梁祝，請大家細心欣賞」
 
首先布幕升高，我第一個彈左段歌曲出黎先
 
然後係其他同學好快好準咁樣，一齊演奏出梁祝
 
真不愧係媽咪同契媽，佢地用幾星期就將我地鞭策到好似英華咁犀利，就連台上負責指揮果位同學，都有好大進步
 
而我同管弦樂同中樂嘅同學都夾得非常之合拍，當然啦，俾媽咪晚晚都鞭我喎
 
我地呢一首梁祝，比起英華果首多左鋼琴演奏




 
終於到第二首啦
 
天空之城之前冇人試用中西樂加鋼琴演奏架，我地係創新第一次咁樣演奏
 
望一望台下
 
原來唔止媽咪同契媽同埋英華嘅學生係到，連哥哥同埋佢地D同學都上左黎睇我地表演
 
一開始，由二胡開始，首先中樂會演奏一段
 
其實用中樂黎演奏天空之城，係有一番特別嘅味道架
 
之後大家停一停，由西樂同學再用管弦演奏一後，就交左個波俾我，然後到最精彩一部份
 




中西樂加鋼琴一齊演出
 
果陣震撼感，並唔係一般咁簡單，我地嘅演出，深深進入左現場所有同學心中
 
我地演出完之後，MC上台訪問下我地