我倆的緣份，於半世紀前已經開始: 我有鮑魚食

「慧思妳攰唔攰呀?洗唔洗休息下?」
 
「嗯?契媽?我暫時仲支持到呀」
 
「最近我見妳好似好辛苦咁，有時妳上黎等食飯果陣會不自覺咁瞓左覺」
 
「最近真係攰左少少，又要補課溫書，仲要練習」
 
「妳個樣真係殘左少少呀，妳要飲多D湯」
 




「知啦契媽」
 
「仲叫我契媽?」
 
「奶…奶奶…」
 
「妳同家琪都好似，到dse果陣，妳兩個都好緊張」
 
「奶奶…我唔可以失手架，一入唔到大學，daddy會送我過澳洲架啦」
 




奶奶入黎幫我按摩個頭，真係幾舒服下
 
「總之妳唔好太迫妳自己知唔知?」
 
「知道啦」
 
奶奶真係好錫我，佢煮左鮑魚俾我食仲煲左D老火湯俾我飲
 
食飯果時，成檯人望住我隻碟果隻飽魚
 




「嗯….點解阿女妳有鮑魚食嘅?」
 
「奶奶煮俾我架，佢話我讀書辛苦」
 
媽咪見到之後，又開始佢細路女性格
 
「姐姐呀，我又想食呀，做教書好辛苦架…..黎啦黎啦….」
 
「妳咁大個人仲想同個女爭呀?」
 
「黎啦…姐姐….好啦….」
 
於是契媽係廚房拎左一隻出黎俾媽咪食
 
「都係姐姐妳最錫我地」




 
「知妳D野啦，妳K3果陣已經係咁為食」
 
契媽煮野真係好好食，呢個係我鍾意上去佢地屋企食飯嘅其中一個原因
 
不過我又唔會自己食哂哂，我總要分俾哥哥食D
 
「嗯…打開口丫」
 
我係到餵哥哥食野，媽咪見到之後又係到潤我地
 
「唉，慧思妳都好似冇咁樣餵過媽咪食野喎」
 
「妳有Daddy餵咪得囉，妳發脾氣果陣有邊次唔係daddy餵妳食野架」
 




「姐姐呀，個女大啦，唉，要離開我啦」
 
「最緊要佢識長大」
 
「媽咪妳少擔心喎我嫁左都會照顧妳，就好似妳照顧婆婆咁樣」
 
「慧思妳調轉左啦?應該係奶奶仍然照顧緊妳地兩個」
 
「唉….媽咪退休啦…」
 
「奶奶打算點?去澳洲定加拿大?」
 
「媽咪話，要妳地一家跟埋走佢先肯走啦」
 
「我地呀?其實冇問題嘅，妳阿哥周圍都有人請，問題係呢三隻野，仲有雪晴佢地一家者…」




 
「如果我地全部一齊過澳洲會點?」
 
「有妳加雪晴加埋妳阿哥，成個澳洲沉左都似」
 
「慧思呀，契媽有少少意見俾妳」
 
「係!」
 
「如果妳真係太攰，不坊叫浩翹帶妳去海邊坐下釣下魚，可能會有少少覺悟呢」
 
「釣魚?哥哥佢會去釣魚咩?」
 
「佢都會去架」
 




於是，哥哥就有一日帶我去海邊(當然係做好咩功課、溫哂書先啦)