我倆的緣份，於半世紀前已經開始: 終於都忍唔住啦

「拿拿拿，燒隻蝦先…係係係….唔…好香」
 
呢個時間兩個姐姐已經有意冇意行過黎睇
 
「家姐唔食呀?浩翹買多左喎」
 
「唔食!!!」
 
「家琪妳呢?最近功課忙，妳唔補下?」
 




「唔要!!!!」
 
不過佢地兩個根本好想食
 
「喂喂喂…..沙嗲魷魚呀喂，呀…慧思，加d牛，細佬鍾意食牛」
 
「知道二哥哥」
 
「我….去廁所」
 




家姐終於忍唔住去廁所啦
 
家琪姐姐望住我地三個…..嘟長個咀
 
「喂呀!!!浩揚呀!!!」
 
「點呀家琪?妳唔食?」
 
「家姐會鬧架!」
 




浩揚哥哥拎起塊牛肉俾佢睇
 
「牛肩脊呀喂，好好食」
 
「浩揚呀…..你……今晚唔好要我同你瞓呀!!!」
 
「妳咪返屋企囉，幫妳叫埋的士好唔好?」
 
嘩!!!!浩揚哥哥花式自殺呀!!!!
 
「你…你….」
 
「細佬，幫我再燒五花肉」
 
「多春魚要唔要呀?」




 
「都好」
 
「喂喂喂，d牛肉又唔可以太生」
 
「妖!!咁麻煩你黎啦」
 
「㗅…………………..」獅哮功黎啦!!!!
 
「行開!!!我黎」
 
家琪姐姐搶左對筷子同個夾，佢自己燒牛肉，再放入自己口
 
「お~~~す!」佢地兩兄弟一齊叫
 




「搞掂家琪!!」
 
當家姐出到黎見到家琪姐姐坐左埋黎，佢雙眼散發出不屑嘅眼光，但係姐姐冇理佢，繼續食
 
家姐仍然係到做瑜珈
 
然後佢兩兄弟又諗到計仔引家姐
 
「喂，我睇下仲有冇肉先，細佬幫手」
 
佢地兩個行去廚房
 
「慧思，仲有肉呀?」
 
「嗯，好多，我都去廚房幫一幫手先，姐姐妳都黎丫」




 
「唔，好呀」
 
我地放低d肉係到由佢煎
 
然後家姐好似忍唔住，伸手去反下d肉
 
家姐個樣真係流哂口水咁，不過佢身為大家姐，講過又點可以唔算數
 
睇佢就快忍唔住時，我地四個一齊出去
 
「仲有肉仲有肉，咦?家姐妳幫我地反肉咁好呀?食唔食呀?」
 
「唔食!!!!」
 




我地繼續不停煎，然後哥哥再去引家姐
 
佢口中含住一大份肉，走去家姐到
 
「家姐，我好耐冇錫妳啦，錫返啖先啦」
 
「妖!!!行開呀!!!!去錫慧思啦你!!!」
 
然後浩揚哥哥又走去佢面前，呼左啖好多肉味嘅氣出黎
 
終於….家姐忍唔住啦
 
「行開行開!!!你地幾個完全唔識煎肉」
 
家姐煎完之後立即大叫食左好多
 
「唔?家姐妳唔係話唔食架咩?」
 
「餓扔你阿馬枝筆呀」(客家話，粗口)
 
「渣，連邊樹有鵰麼」(客家話)
 
「毛鵰都蕉鵰連窿個屎袋包唷」(客家話)
 
就係咁樣，家姐個所謂減肥大計就俾我地打破左
 
不過大家姐真係大家姐，契爺契媽唔係屋企果時，兩個哥哥都俾佢點去做野洗碗
 
家姐坐係到噴返d胃氣出黎
 
「大滿足….」
 
「家姐妳唔洗減啦，妳要有返d肉架嘛」
 
「妳咪理，不過慧思，妳仲叫浩翹做哥哥?妳地都拍左一年拖啦」
 
「咁…我由細到大都叫慣嘛，叫左17年，突然改口好唔慣」
 
「幾時叫佢做老公?」
 
「咩…咩老公喎」
 
「拿，我都出左身啦，可能過幾年結婚添」
 
「係囉沙律，女仔青春係有限，趁後生生小朋友，會快d復原」
 
「但係我地仲想讀埋大學」
 
「邊個話讀緊大學唔可以結婚架!?」
 
「但係…我地唔想爬妳地頭嘛，我地仲係17歲咋….遲幾年都冇所謂啦」
 
「家琪呀，以慧思意思係叫我地結婚先喎」
 
「即係睇下Jasmine姐妳幾時嫁先囉」