我倆的緣份，於半世紀前已經開始: 我送給他的墨水筆

「浩翹、慧思!!」
 
「唔?媽咪?咩事呀」
 
「妳地兩個出去溫書呀?」
 
「唔….係呀」
 
「妳地要休息下架，妳地兩個連生日都只係食左餐飯就算，婆婆好擔心妳地兩個」
 




「姑姐，有咩擔心唔擔心，我地真係冇事喎」
 
「唔得!總之你地兩個要休息下」
 
於是中秋節果晚，我同哥哥兩個人就去左沙灘到坐
 
「點呀妳，日日操past paper會唔會好攰呀?」
 
「我其實溫得7788架啦，不過我擔心你多d呀…你d卷做完又做，做到傻啦你」
 




「咁想讀醫科係咁架啦」
 
「你睇下你丫，同你拍拖之前呀，仲好有精神架，一升F.6個樣就咁殘」
 
「咁….同妳….間唔中都有….嘛」
 
我面紅紅咁望住佢
 
「咩喎，咁拍拖一定會架啦……你唔想就以後唔好叫我陪你瞓添呀」
 




「唔得喎，我地仲要生小朋友架嘛」
 
「邊個話嫁俾你喎」
 
哥哥係沙灘上攬實我，有時拍拖未必要去行商場嘅
 
其實我地兩個都好似唔記得送生日禮物俾對方添，冇法啦，我地兩個日對夜對，同一對夫婦都冇分別
 
但係禮物始終要買嘅
 
於是有一日放學，我趁哥哥要補課，就拉左OV同肥鴿去揀禮物
 
「下?沙律，妳連自己男朋友鍾意咩都唔知架?」
 
「唔….真係諗唔到嘛…..其實佢唔係需要物質果種人」




 
「買D實用嘅野俾佢咪得囉」
 
「手錶，我地有一對。頸鍊又係…」
 
「銀包呢?」
 
「銀包又唔係殘，未用到爛佢係唔會換架」
 
「一係…買枝筆俾佢丫」
 
OV咁講，我個腦立刻叮左聲
 
「係喎，點解我諗唔到嘅」
 




我地三個去到賣筆嘅地方揀筆
 
「咩筆好呢….」
 
「妳唔會買Pilot原子筆俾佢呀?」
 
「傻啦!!!我想買d耐用d嘅筆……」
 
我地係個櫃位到揀
 
「小姐，請問係咪買筆呢?」
 
「呀…係呀」
 
好彩冇同d男仔黎，個sales姐姐幾靚下，仲搽埋香水




 
「送俾男朋友?」
 
「呀….係呀….」我面紅紅咁答佢
 
「對方幾大?」
 
「呀…同我同年，大家都係F.6」
 
「佢係文靜果類人?」
 
「係呀」
 
「嗯….咁呢幾款啱佢啦，有鋼筆啦、走珠筆」
 




「唔……」
 
哥哥手字其實冇我咁靚，送咩筆俾佢好呢?
 
鋼筆?佢帶去考試嘅話都唔知要加幾多次墨水
 
走珠筆又好似…唔…..
 
係我唔緊期間，肥鴿就話啦
 
「諗咩丫，妳送咩佢都鍾意架啦」
 
佢咁講又係，所以我揀左枝鋼筆連大量替換墨芯
 
再碌一碌daddy張附屬咭俾錢，搞掂!