我倆的緣份，於半世紀前已經開始: 喜歡Postcard的佢

我地第二日一早就去豐洲水產市場到睇人買魚
 
一條條魚放係市場到，好吸引呢
 
朝早嘅節目呢，就只係得年輕人去，冇法，佢地睇過好多次
 
睇完買魚之後，我地去食早餐啦!!!食刺身做早餐
 
我試左第一塊刺身果時
 




塊魚有脂肪得黎又唔肥膩，又鮮甜
 
肉質彈牙，一D腥味都冇，香港果D完全冇得比
 
食果時我完全冇諗過肥呢個問題，全程我係食食食，食食食
 
特別係條吞拿…即係拖羅，真係鮮甜到呢
 
就連一向有少少腥味嘅三文魚子，都變得咁好食
 




「喂，暴龍妳食相咁差嘅?」
 
話明暴龍丫嘛，食相點會好
 
「咁你都識叫我做暴龍啦，之後我地去邊呀?」
 
「去Sky tree啦，睇下個景色」
 
下一站，Sky tree
 




每去一個景點呢，哥哥都會買一張postcard俾自己
 
「唔….呢張啦」
 
「其實哥哥點解你咁鍾意儲postcard?又唔係人地寄俾你」
 
「當係個紀念囉」
 
「哇，呢到好高好靚」
 
「妳好鍾意?」
 
「當然啦」
 
「以後每年我都陪妳黎一次?」




 
我望實哥哥，佢即係咩意思?求婚?
 
「但係年年都黎，你唔厭架咩?」
 
「只要見到妳笑，妳開心，又點會厭呢?」
 
「你呀!口滑舌滑」
 
「妳唔知我鍾意妳d咩架咩?」
 
「除左我靚女之外呢?」
 
「妳心地好啦，又肯幫人，又唔會計算其他人，妳對人好真」
 




「咁…我本性係咁嘛」
 
「所以我咪鍾意妳囉」
 
我攬到哥哥實一實
 
「唔….你點解咁瞭解我嘅?」
 
「因為我鍾意左妳個傻妹16年囉」
 
「我夠鍾意你16年囉」
 
「平左楊過小龍女紀錄喎」
 
「我先唔要似佢地兩個咁樣分開呀」




 
去得東京，當然要去淺草西門寺睇睇啦，不過我地真係參觀架咋
 
去到下晝三點左右，我地就搭JR去到秋葉原
 
然後佢地兩個大細佬又係到周圍睇野啦
 
高達、動漫、仲有睇女僕café
 
「喂阿哥，上次你唔係帶過我去旺角果間女僕café 咩」
 
「上次果間邊到夠呢班正宗女僕咁正呀?你睇你睇，果邊果個幾正」
 
我同家琪姐姐兩個撓埋雙手望實佢地兩兄弟
 




「你地試下入去!?」
 
「係係….唔入，不過我地入去果間舖得唔得呀?」
 
我望一望間舖，喂!!賣av嘅!!!!