我倆的緣份，於半世紀前已經開始: 仲係家琪姐姐嘅往事

「佢前女友?哦!!!培道果個!!!」
 
「係呀….到果時我先知原來果個女仔同第二個一齊左，咁我咪好心陪下佢囉」
 
「好快就一齊左呢?」
 
「都唔係架，初時就一齊行下街睇下戲，咁我又唔想成日係學校入邊，咪同佢去囉」
 
「然後呢?」
 


「然後出多幾次街，就發現自己好掛住佢，上BIO堂見到Miss Lam就不其然諗起佢…..之後先知自己鍾意左人地囉」
 
「咁二哥哥點同妳講架?」
 
「佢呀?有一日又等我放學，我一出校門冇耐佢就拖起我隻手上巴士，咁就一齊左啦」
 
「咁就一齊左啦?」
 
「然後去多幾次街….咪有一日放學，撞到奶奶同姨姨囉….之後星期一就俾人叫去見校長」
 


「但婆婆批准妳地拍拖呀」
 
「係呀…但校長都要同媽咪講，當時媽咪嚇到差d暈低，仲想打我」
 
「點解呀?」
 
「話我點解要同老師個仔拍拖，我邊襯得起人地」
 
「然後?又係契媽同媽咪救妳?」
 


「唔係呀…..係浩揚出現保護我，要我媽咪俾我同佢拍拖」
 
「下!!!著校服架喎」
 
「嗯….所以咪搞到好多人都知道囉」
 
「但係auntie又批准?」                                                                   
 
「咁奶奶同媽咪講，佢細個都係同校長個契仔拍拖…..當時都叫校長做奶奶，媽咪諗左好耐先批准我同浩揚拍拖」
 
「woo~完全係第二個林雪凝喎妳」
 
「邊…邊係呢…」
 
「咁姐姐妳打算點?將來二哥哥可能會繼承佢公公間診所喎」


 
「唔知架，可能我去做專科醫生呢」
 
「咩科先?」
 
「婦科，女人睇返女人，賺錢d」
 
「姐姐妳果然好醒目下」
 
「當然啦，妳媽咪做我三年班主任，有咩屈功我係唔識架?」
 
「就係媽咪教妳點對付浩揚哥哥?令佢聽聽話話?」
 
「冇錯!」
 


「不愧為媽咪嘅首席弟子呀，獅哮功都學左啦?」
 
「學左啦」
 
「大家同門師姊妹啦，哈哈哈哈!!!!」
 
「喂喂喂敷下Mask先……日本咁鬼亁」
 
「係喎，我都差d唔記得添」
 
我其中一個同姐姐同房嘅原因，係搵佢教教我揀咩Mask好
 
「慧思妳記住唔好瞓著呀，一陣塊Mask吸返d水呀」
 
「知道!!!」


 
係到敷Mask有d悶，所以我wts哥哥睇下佢做緊乜野