我倆的緣份，於半世紀前已經開始: 家琪姐姐嘅往事

今晚家琪姐姐都係同返我同房，其實除左第一晚我地偷偷地換左房之外，其他日子我地兩個都係同房
 
始終雙方父母都係到，我地兩個又得16歲，都係唔太好嘅……
 
雖然契媽係17歲…媽咪係12歲果陣就……
 
但係當時佢地父母唔係身邊嘛!!!一陣佢地走黎睇live咁點算呀!
 
「Charlotte妳就好啦，同浩翹拍拖幾耐?2個月?咁快就有戒指」
 




「姐姐妳都有啦」
 
「不過我冇妳咁快就有戒指戴丫嘛」
 
「家琪姐姐呀….其實妳係咪已經想嫁俾浩揚哥哥?」
 
「做咩咁問呀?」
 
「妳同佢拍左拖都….數數先….都差唔多6年?」
 




「係呀，我同Ethan F.4果時開始拍拖」
 
「咁契媽都當左妳係新抱咁睇?」
 
「奶奶呀….佢果次係街見到我拍拖，就立即叫埋妳媽咪黎見我」
 
「係訓導處係咪好大壓力呢?」
 
「幾啦，果陣嚇死我啦，無啦啦姨姨開大咪叫我去訓導處」
 




「俾媽咪審問覺得點呀?」
 
「咩呀，校長親自問架」
 
「婆婆?」
 
「係呀，我一入到去，校長就問『Natalie，同Ethan拍左幾耐拖，去到咩關係』咁樣」
 
「當然啦，妳果陣已經係狀元咁款，婆婆好擔心妳架嘛，妳就好似而家嘅Winnie一樣」
 
「Winnie?佢應該冇我咁嘅待遇啦，果時校長想拆散我地兩個架」
 
「但係妳同二哥哥又保得住嘅?」
 
「多謝姨姨同奶奶囉，果時唔係Miss Lam同校長講『奶奶，我批准個仔同Natalie拍拖』嘅話，我晨早就俾人叫家長黎啦」




 
「睇黎契媽好鍾意妳喎」
 
「始終Miss….呀..奶奶當時教左我4年…佢知道我唔會因為拍拖唔讀書嘅」
 
「咁媽咪有冇幫妳呀?」
 
「有呀，佢咪落足鞋油囉，我呢個班主任又拎自己黎講囉」
 
「點樣呀?我好想知道呀」
 
「咪『媽咪呀，我同雪晴咪又係F.3同F.2開始同我地老公拍拖，Natalie成績仲好過我地兩個，佢唔會有問題嘅，佢成績一退步我就立即拆散佢地囉』」
 
「婆婆立即批准?」
 




「校長個新抱同囡囡幫我求情喎，邊會唔俾」
 
「但係…姐姐妳鍾意浩揚哥哥d咩?妳以前唔係有個喇沙仔男朋友架咩?」
 
「果陣呀….果個喇沙仔點講呢，係有錢，不過唔太識尊重人，所以我同佢拍左兩星期拖就極速同佢分手」
 
「真係?」