我倆的緣份，於半世紀前已經開始: 同對手談心

完哂成個Show，我地兩個就等媽咪同埋daddy車埋我地返去
 
我同哥哥坐係小食部等車，果時Winnie行左黎搵哥哥
 
「Clodulf….」
 
「係，咩事呀Winnie?」
 
「佢….真係Miss Cheung個女?」
 




「係呀，千真萬確」
 
「咁你地兩個….」
 
我下意識雙手撓實哥哥再拉佢埋我身邊
 
「係呀Winnie…我同慧思…拍緊拖」
 
「哦…係呀….咁…你要好好地對Miss Cheung個女」
 




「我一定會嘅」
 
「Charlotte可唔可以同妳單獨傾下?」
 
我望一望哥哥，佢點左下頭
 
「好呀」
 
我同Winnie行到去英華嘅一角，坐埋一邊，我見到佢雙眼失落嘅眼神
 




終於佢開口同我講野
 
「妳應該知道….我對Clodulf有意思」
 
「嗯……媽咪同契媽已經講左我知」
 
「我…鍾意左佢差唔多兩年，由舊年開始」
 
「哥哥講過，當時契媽要佢黎幫妳地手搞開放日，因為妳地冇男仔幫手」
 
「冇錯，當時Clodulf真係好好人，佢咩都攬上身幫我地，甚至開放日果日，佢都仍然照顧我地。幫我地買野飲之類，果時我不知不覺鍾意左佢」
 
「哥哥由細到大都係咁樣，妳鍾意佢好正常」
 
「之後….我同佢經常係網上傾計，我為左佢不停親近Miss Lam，不停問Clodulf借書黎睇。為左同佢可以傾多d計，我睇埋佢睇嘅書。妳有冇做過?」




 
「冇。一直以黎哥哥唔會叫我睇佢d書」
 
「我知佢鍾意影相，我仲去睇影相書。當我同佢好接近好接近果時，妳就出現左」
 
「妳指….學期初?」
 
「冇錯，第一日見妳，係中央圖書館。本來Clodulf好少去中央，佢通常係返堅尼地城溫書，但係有一晚佢話放學去中央溫書，我就覺得奇怪，所以我就搵日跟落去」
 
「其實…妳係咪一早知道…我存在?」
 
「唔….我曾經問過佢，佢有冇心上人」Winnie望住山下靜靜地講
 
「但係哥哥佢…我地果陣仲未…」
 




「佢答我有，當初我仲以為果個女仔係我」Winnie苦笑咁對住我講
 
吹住涼風，望住山下景色
 
「Clodulf同我講，佢好鍾意著旗袍長衫校服嘅女仔，當時我心諗，佢應該係鍾意我地英華嘅女仔啦，從細開始，Miss Lam就會帶佢黎玩，Jasmine師姐有時又會帶同學返屋企玩，Ethan揀左Natalie，兩個狀元一齊入醫科，我估Clodulf都應該會好似佢哥哥、佢爸爸同爺爺咁，揀返英華女仔做女朋友，同佢結婚。點知…」
 
「係?」
 
「我上次一去到中央圖書館，就見到妳」
 
「果次應該係……」
 
「我果次已經唔係第一次見妳，果陣OV仲未同Vincent拍拖，我果次見到Clodulf將皇仁文科Notes交俾妳，就知道佢應該對妳有意思，而且妳仲係個我好難贏到嘅對手，只要我一日係英華女校嘅學生，我就爭妳唔贏，所以我先加快去接近Clodulf」
 
「點解妳會咁諗?」




 
「因為妳係Miss Cheung個女，我地校長嘅孫女」
 
「妳….點會知道?」