我倆的緣份，於半世紀前已經開始: 梁祝

今次英華真係曬冷咁滯
 
中樂團加管弦樂團一齊出場
 
「佢地表演咩呀沙律?」
 
「梁祝呀!!!!」可能我太大聲叫出黎，成場都望一望我方向
 
台上一班學生好驚訝點解我會知
 




所以個MC問一問我
 
「真光嘅同學，妳點知我地學校會表演梁祝嘅?」
 
我面紅紅咁企係身，答問題
 
「係….中樂團加管弦樂團….唯一合奏過嘅歌，就係梁祝，亦係妳地學校最拿手歌曲」
 
「咁….我地練左幾多年呢?」
 




「5年，呢個idea係5年前校長諗出黎嘅」
 
的確，個idea係我同婆婆講出黎，當年我同媽咪爭論中西樂可唔可以夾一首歌出黎
 
而哥哥果陣就將個乾淨嘅痰罐笠係我頭上，再唱梁祝
 
所以婆婆就立即叫媽咪佢地試下
 
我講出5年之後，台上所有…唔係…應該係所有英華學生都好似好驚。點解一個外校生會咁清楚佢地嘅事
 




「呀…同學，想請問妳叫咩名呀?」
 
「我叫李慧思，Charlotte Li」
 
「唔該哂妳Charlotte」
 
「喂…沙律，妳咁樣會唔會打亂佢地架?」
 
「放心啦，佢地係英華精英，唔會咁易受影響」
 
果然，台上奏出梁祝，而且Winnie仲係有獨奏部分
 
不愧係媽咪同契媽教出黎嘅學生，佢地每一個音都係非常專業
 
我望一望皇仁果邊，咦?哥哥呢?




 
當梁祝完左，大家致謝果時，哥哥出現左係台上
 
佢又係一個痰罐笠落Winnie個頭果到然後好快走左去
 
嘩…..玩到咁大呀?
 
現場傳來非常多嘅掌聲
 
之後輪到我地學校嘅表演
 
唔好睇少我地班真光妹呀，我地夾起Band上黎可以好狠架
 
因為我地派左幾個TB上台表演
 




仲有我地嘅芭蕾舞團同埋jazz團
 
然後到皇仁表演佢地嘅「魔術」
 
所謂嘅魔術，完全係亂黎架!!!!!完全係為左搏我地班女仔笑一笑
 
不過皇仁喎，又點會唔出精英丫…
 
佢地同英華一樣，出管弦樂團，人數唔多，不過演奏出黎就嚇親大家
 
佢地用左樂團1/3人，演奏出天空之城
 
佢地仲有人唱埋日文出黎
 
果種氣勢…係英華完全比唔上….不愧係全香港排行第一嘅傳統名校




 
終於過左休息時間…..上台嘅男生，令我雙眼跌出黎咁滯
 
MC係到介紹休息後嘅環節