我倆的緣份，於半世紀前已經開始: 改口啦喂

「喂，慧思」
 
「咩…咩事呀大家姐」
 
「下?做咩唔改口呀?」「下?做咩唔改口呀?」
 
呢個係雙響立體聲
 
「好啦，家姐都知唔應該由妳向我坦白嘅，細佬~」
 


「點呀家姐?」
 
「你自己親口講啦」
 
「唉….咁麻煩架，妳尋晚都知道啦」
 
下?咁快?
 
「家姐知道同你自己承認係兩回事，認罪就唔洗審，直接扣三分一刑期」
 


「係啦係啦，我而家同慧思佢拍緊拖啦，我追左佢16年終於追到啦」
 
「咁上次係戲院呢…」
 
「果次未追到」
 
「各位陪審團，覺得點呀?」
 
我面紅紅企係哥哥身邊
 


「慧思妳企係浩翹後邊做咩呢?唔洗咁怕羞喎」
 
「唔……」
 
「出黎啦」
 
「知道家姐」
 
「仲叫我家姐?」
 
「姑奶唔襯妳嘛，妳仲咁後生」
 
「唔….算妳醒目，浩翹我同你講!如果慧思話你對佢唔好呢，我地幾個唔會放過你架!!!」
 
「知…知啦家姐….」


 
「表姐呀，咁三個大男人知唔知架?」
 
「Daddy同姨丈呢，就知道架啦，係姑丈未知道」
 
食飯果時，我地兩個坐檯，其他同輩就坐梳化。兩個契爺就對住我地暗笑，而daddy就仲係一舊雲咁樣，都唔知媽咪鍾意佢d咩
 
契媽係食飯時不時係到暗示俾daddy知道，都仲係一舊飯咁
 
「浩翹，你唔洗夾餸俾人架?」
 
「哦….係…」
 
哥哥夾完餸俾我後，媽咪亦都不甘後人
 


「慧思呀，妳唔洗夾餸俾浩翹咩?」
 
「係..係…」我面紅紅咁夾餸俾哥哥
 
不過daddy目光仍然放係電視到，今次到姨姨發功啦
 
「老公，幫我夾餸丫」
 
「哦….係係….」
 
「老婆呀，幫我夾餸」契爺對雪凝契媽講
 
「好呀」
 
不過daddy仲係成碌木咁樣，因為電視到有英超嘅比賽，所以佢目光放哂係電視到


 
家琪姐姐見到咁樣，佢又出少少暗示
 
「慧思呀，佢唔夾餸俾妳媽咪嘅?要行下外母政策架喎」
 
然後哥哥夾俾媽咪，我地呢個夾餸作戰係完全失敗，因為daddy係100%專注係電視到，佢真係大膽到連媽咪叫佢都聽唔到
 
所以媽咪就同我講
 
「慧思，妳一陣出門口直接拖住浩翹」
 
食好飯，浩揚哥哥去洗野，而我同哥哥就坐係梳化上，我撓住佢坐
 
終於契爺忍唔住要俾更大暗示