我倆的緣份，於半世紀前已經開始: 意想不到的一吻

立即去沖個涼，冷靜一下自己
 
假架!!!李慧思!!!妳冷靜d啦!!!!頭先發夢架咋!!!!!唔好亂諗!!!!
 
沖完個涼之後，我係廳見到媽咪
 
「慧思，好玩嘛?」
 
「好…好呀….玩到傻左」
 


「妳好熱?塊面紅哂嘅?」
 
「呀…係呀…哈哈…我..吹頭先，早抖啦媽咪」
 
快d返房先得，一陣俾媽咪問長問短就弊
 
吹好頭，攬住佢送俾我果隻大snoopy，望住佢….諗返起頭先發生嘅事………..
 
我嘟長個咀扮俾佢錫，然後我感覺到佢搭住我膊頭
 


都係錫額頭者，次次都係架啦
 
但係今次….我個咀同佢個咀貼到實
 
突然間俾佢錫咀，我個心好亂好亂，心跳好快，我地兩個呼吸都好快好快，感覺上，我地就好似飄起左咁樣
 
我地錫左幾耐?10秒?30秒?
 
時間好似停止左咁樣，過左好耐，我同佢先依依不捨咁分開
 


我紅哂面咁抬頭望住佢，佢好似有野想講咁
 
「思思呀…..」
 
我打斷左佢說話
 
「夜啦……我地……冇事啦」
 
“啪”一聲我關左屋企門，然後盡快除鞋除襪去洗手間沖涼洗面
 
假架!!!李慧思!!!妳冷靜d啦!!!!頭先發夢架咋!!!!!唔好亂諗!!!!
 
我到落床果下仍然呃緊自己….頭先…我同哥哥錫左咀?
 
第一次同佢錫咀….係7歲走失果時…第二次，係佢上次偷偷咁錫我


 
但係今次……係真….我地兩個都係清醒下錫左對方
 
我冇拒絕到佢……咁即係點?我同佢開始拍拖?
 
死啦!!!我同佢kiss左呀!!!!!!
 
之後果兩日，我地都冇搵對方，所以媽咪都覺得我係病左
 
其實我只係留左係床上自己諗下發生咩事
 
到我地再次見面，已經係星期一返學果時，好彩今個星期daddy返早更，所以佢每日都可以車埋我地兩個返學，但係放學之後，我冇去圖書館溫書，哥哥亦都冇wts我
 
終於係星期五，OV同肥鴿呢兩個重色輕友，有異性冇人性嘅低級生物走黎問我咩事



「沙律!做咩呢幾日妳唔去溫書嘅」
 
「係囉，食飯又話有事唔落去，但係又見妳一個人呆左咁坐係學校」
 
「冇…冇事呀….邊有事」
 
「拿….妳快D講啦，大家一場姊妹，同妳K1到F.5都同班，妳唔係唔講我知咩事呀?」
 
「係囉…咩事呀?Vincent都話Clodulf呢幾日好似有心事咁，而且最近d英華妹又接近佢啦」
 
「我…我…」
 
我吞吞吐吐咁講唔出口
 
忽然肥鴿諗到d野


 
「等陣….妳同佢係halloween果晚之後就變成咁….唔通….妳去左佢屋企…..做左大個女?」
 
「下!!!沙律?妳俾左…..」
 
「唔係呀!!唔係呀!!!我同佢冇做過果樣野…只不過…不過….」
 
「點呀?」
 
「果晚我要佢氹我瞓覺，之後佢係我屋企門口話錫我，咁我咪好似平時咁嘟長個咀囉…點知….佢….」
 
OV同肥鴿聽到之後，佢地終於知道咩事啦