我倆的緣份，於半世紀前已經開始: 他喜歡的是我

「當年呢….沙律妳係咪差d入左英華?」
 
「係呀，我死都唔肯去讀，係都要揀返中學部，媽咪奈我唔何先唔捉我去英華之嘛」
 
「咁果陣Clodulf呢?」
 
「佢咪派左去……咦?妳點知架?」
 
「咩事呀沙律!!!快d講啦!!!!」
 




「翹哥哥….原本係憑兄弟世襲制度下…直入英皇」
 
「終於明白呢?點解佢會係皇仁讀呢?」
 
全班都望實我，而我指一指我自己
 
「因為我?」
 
肥鴿點一點頭
 




「佢果陣拎住聖類斯全級第一成績自己一個衝入Queen屎參加入學試，佢讀皇仁目的係咩呢?」
 
「都係因為我?」
 
「校草同我講，因為Clodulf鍾意果個女仔中學黎左我地學校，所以佢追住人地黎大坑」
 
「佢好浪漫呀!!!!!!!」「果個女仔係我地學校呀!!!!!」
「係邊個呀!!!!」
 
肥鴿雙手搭住我膊頭




 
「果個女仔咪就係大家眼前呢位囉，Clodulf青梅竹馬嘅妹妹，李慧思，Charlotte Li」
 
哥哥鍾意我?邊有可能架呀!?
 
「邊…邊有可能呀!!!!如果佢真係鍾意我….我地早就開始左拍拖啦…洗唔洗等到而家….」
 
「但係肥鴿又講得冇錯喎」「妳地之間有咩事唔可以一齊呀?」
「定係妳媽咪同佢屋企有問題呀?」
 
我碌大隻眼，嚇到唔識講野
 
唔通…..佢係怕契媽唔鍾意?俾我都會唔鍾意，點可以俾自己個仔同自己老公個前女友個女拍拖架
 
媽咪的確係同契爺拍過兩年拖，契爺可能最愛果個係媽咪……




 
「佢daddy…即係我契爺….同我媽咪拍過拖……」
 
「下!!!!!沙律妳講真架?!」今次連肥鴿都唔可以相信
 
我點一點頭
 
「嗯…係媽咪F.1-F.2果兩年….當契爺一入英華果日，媽咪就同佢分手，因為媽咪知道契爺一定會遇上契媽….所以….」
 
「所以Clodulf怕妳同妳契媽相處唔到?佢唔知佢媽咪點諗?」
 
「契媽講過…佢唔會介意…不過….」
 
「係女仔都唔鍾意老公d前女朋友架啦，如今個前女友個女仲可能同自己個仔拍拖，即係咩呢?實現年輕時嘅遺憾咩?」
 




「其實我同佢…已經係第三代…..我婆婆….都係鍾意佢爺爺…」
 
「咁妳打算點呀沙律?」
 
「有咩點喎?唔通私奔咩….就算係…我地可以去邊?俾佢做到醫生，我地都生活唔到啦」
 
「係喎，沙律妳知唔知妳bb時對Clodulf做過咩架?」
 
「難道妳知?」
 
「Clodulf細個係咪身體好弱呢?」
 
「係呀….佢早一日出世就係早產架啦，細個佢瞓氧氣箱，駁哂機咁架」
 
「妳哥哥咁慘架咩?」其他同學問




 
「係呀…..之後奇跡地佢可以出院，佢公公都搵左好多朋友照顧佢」
 
「原來沙律妳唔知架?」
 
「我知d咩呀?」
 
「妳應該去問下妳媽咪啦…..詳細我都唔知咩事」
 
「妳講少少黎聽啦」
 
「拿….我只係知咁多架咋」
 
「講啦!!!」
 




「當年Clodulf就快冇心跳，妳媽咪就剛生左妳，之後姨姨抱埋妳去見Clodulf，之後妳摸一摸Clodulf，然後捉實佢隻手…我講緊係妳滿月果時」
 
「之後呢?」
 
「之後Clodulf心跳回升，保住自己條命」
 
「嘩….好睇過師奶劇呀」
 
「真係咁?我摸一摸哥哥…佢就冇事?」
 
「妳應該問下佢媽咪，或者妳媽咪」
 
我好快咁企起身
 
「我放學就去英華問佢地!!!!」
 
「妳唔好咁衝動住….今日放學唔得呀妳」
 
「點解呀!!!」
 
「今日係SOGO大減價日…」
 
「咁我今晚先問佢地!!!!放學要去掃貨!!!」
 
的確…一年一度嘅SOGO秋天大減價係比較重要…而且….我相信仲會遇上全力出擊嘅媽咪同契媽添
 
但係我去到SOGO見到嘅，竟係雪晴姨姨