我倆的緣份，於半世紀前已經開始: 知己知彼

「慧思!!!!妳練左琴未呀?」
 
「呀…而家練啦」
 
媽咪從小就俾我去學琴，應該話我自己要去學琴，不知不覺學左10年
 
表演彈琴?唔好掛，英華入邊有好多高手高手高高手係到架，所以我借故問媽咪
 
「媽咪呀?妳以前中學有冇上台表演過呀?」
 




「我俾人捉過上去妳問我答架，表演我呢….試過雙人鋼琴同自彈自唱」
 
「婚紗背後?定係小城大事?」
 
「嘩…妳點知架」
 
「媽咪，我咁叻，當然知啦」
 
我走近媽咪身邊係佢耳邊講
 




「港大student hall住得開心嘛?」
 
「邊…邊個講妳知架!!!」媽咪碌大雙眼好驚咁望住我
 
「總之我知啦」
 
「妳….妳唔可以…」
 
「得啦，我唔會同爸爸講喎」
 




「妳邊有咁順攤?有咩事快d講」
 
「契媽果班!我要哂佢果班d相!仲有namelist」
 
「做咩呀?5D班全班得罪妳咩?」
 
「契媽話，哥哥識佢地幾個女仔，一個仲要好靚同佢好傾得埋」
 
媽咪諗左一諗對我奸笑
 
「知彼知己，百戰百勝。我個寶貝女要同我D學生爭男朋友啦喎」
 
「咩爭呀媽咪!!!我…我落左訂架啦」
 
「妳同浩翹已經…..」




 
「唔…唔係妳諗果D呀!!!!」
 
「嚇死媽咪咩….」
 
我跟媽咪去書房，拎左本校刊出黎，打開去契媽果班果頁
 
「拿，Jessie果班就係呢班」
 
果然冇講錯，好多都係靚女，不過我俾其中一個女仔吸引左去
 
「媽咪，係唔係呢個?」我指住其中一個女仔
 
「哦，Winnie Suen呀，佢同浩翹好傾得架」
 




「就係佢?」
 
「應該就係啦，我見過佢地暑假果時行街嘅」
 
Winnie……一個我要記實嘅名
 
中文名….孫嘉怡