我倆的緣份，於半世紀前已經開始: 向文科生挑戰

第二日朝早，佢已經係大堂等我
 
「俾妳D notes啱唔啱用呀?」
 
「當然啱，不過你點拎架?」
 
「走去隔離班問人拎囉」
 
「你…今日仲會唔會同OV一齊溫書?」
 




「做咩咁問?妳又想一齊黎?」
 
「咁……幾個人一齊溫書…好過自己溫嘛」
 
「好啦，叫同學幫妳兩個搵埋位啦」
 
「唔係得你一個去咩?」
 
「咁我有同學又話想去….」
 




「喂…講明先呀….我…我…」
 
「點呀?」
 
「我要坐你隔離架」
 
「一定得」
 
我地兩個係同一站落車後，一齊行返學校方向，不過佢經過校門就冇入，反而跟住我行
 




「你做咩唔返入學校呀?」
 
「唔…..陪妳返上去」
 
佢咁樣講，我真係好開心，但係我又怕佢行上去會熱
 
「一陣條樓梯咁長，你點行呀?你全身大汗又病呀」
 
「我病?妳咪上黎我到煲粥俾我囉」
 
「點解要我煲喎」
 
「妳唔係話做我新娘子咩?」
 
「我…我唔睬你呀!!!笑我嘅!!!你唔好行上去啦，一陣俾OV同埋佢地班見到，我水洗都唔清呀」




 
「乜我唔可以送妳返學咩?」
 
「咁….食飯都有得見啦嘛」
 
我地兩個對答就好似拍緊拖嘅情侶一般，眼中只有對方，連肥鴿飛到我身邊我都唔知
 
「妳地兩兄妹唔需要咁痴纏喎，放心啦翹哥哥，食飯果時會原封不動咁將你個寶貝沙律俾返你架啦，返學啦你」
 
「唔…咁樣呀…」
 
「返去啦，我會照顧沙律架啦」
 
「咁…食飯見啦」
 




肥鴿同我行上學校果時，佢好興奮咁問我尋晚咩事
 
「做咩突然間咁甜蜜嘅?」
 
我面紅紅咁答佢
 
「咁尋晚….佢主動送OV返屋企嘛，我上車咪呷佢醋…佢咪氹返我陪我食野囉」
 
「咁開心?有冇錫妳補數呀?」
 
「唔….其實…佢一直都有錫我鼻尖」
 
「Wow!!!!!!!!其實妳地都唔係兄妹咁簡單!!!!」
 
「我尋晚….對我媽咪承認左啦…..」




 
「妳同姨姨認妳鍾意妳哥哥?」
 
我望一望四周確定冇金手指果時
 
「嗯」
 
「Ohshu!!!!妳真係鍾意佢?」
 
「係呀…我細細個就鍾意佢，想嫁俾佢啦…..而且媽咪一早就知道…」
 
「我要做伴娘!!!!」
 
「胖娘就有妳份」
 




我地兩個嘻嘻哈哈咁走返去我課室，經過理科班時，我地都見到OV笑得好甜
 
「喂，妳打算同OV正面對決?」
 
「唔需要嘅….只要我同哥哥好好地…冇人介入到嘅…而且我都打算每日都同佢一齊溫書」
 
「係囉，幫妳拎埋文科班Notes，妳仲唔甜到漏咩」
 
「好啦，咪再笑我啦!!!!」
 
Lunch time之時，我同肥鴿去到一間比較多佢地同學嘅餐廳食飯，過左一陣，佢好快就黎到
 
「妳地點解會揀呢間嘅?」
 
「咁斜路落黎方便d嘛，一陣又唔洗行樓梯返上去」
 
「OV佢冇跟住黎?」
 
「佢地班一陣小測，所以佢地唔會落黎食」
 
「佢尋晚都問左我好多問題丫」
 
「佢問左d咩?」
 
「唔…功課上又有，其他事都有。做咩?妳好似好不滿喎」
 
「唔…阿哥你都有識朋友嘅自由嘅」
 
「唔…今日妳想溫咩丫?」
 
「唔….我今日溫history，你又識?」
 
「對我冇咩難度嘅」
 
「唔好咁口響喎」
 
「睇下點囉」
 
「咁串?我一陣俾一條題目你答，答到嘅話…..唔…..請你今晚食糖水」
 
「deal」