我倆的緣份，於半世紀前已經開始: 恩愛的父母

「婆婆，咁我仲要識D咩先可以綁實男仔個心呀?」
 
「丫，忽然間妳咁好學嘅?」
 
「想跟婆婆妳學下野者」
 
「識唔識織頸巾呀?」
 
織頸巾又係我另一個死穴，F.3果時份頸巾功課，我係要搵雪凝契媽幫我手，我先可以交到功課，而果條頸巾，正正就係翹哥哥冬天戴緊果條
 




「咁婆婆妳有時間就教埋我啦」
 
「呵呵呵，慧思妳肯學，我一定肯教，不過唔好好似妳媽咪咁，半桶水就得啦」
 
「媽咪呀!!!咪話俾慧思知啦」
 
「怕咩丫，慧思呀，妳媽咪呢，到妳爸爸大學果時先肯認真學做一個女仔」
 
「點解嘅?」
 




「妳媽咪呀，細個恃寵生驕，有咩事都由妳契爺幫佢，到妳爸爸大學果時，佢好多女仔埋身，嚇到妳媽咪喊住黎叫我同契媽教佢家政，慢慢學做個女仔，咁先綁得實妳爸爸」
 
我望住媽咪，用眼神恥笑佢
 
「媽咪細個點架?」
 
「呵呵，係英華應該冇人夠佢打，經常起飛腳、講粗口，仲有同妳契爺兩個人打波打贏隊校隊，佢兩個俾我地話係反斗星黎啦」
 
「好啦媽咪，唔好再講以前D野啦!!!唔好講咁多俾佢知啦!!!」
 




「妳怕咩俾人講呀?」
 
「原來媽咪以前係惡霸一名…」
 
爸爸係呢個時間埋黎點頭稱是
 
「冇錯….當年我都唔知點解會鍾意佢….」
 
「你好野!!!!!! 李健熙!!!!!!!!!!你條羚羊今晚唔好入房瞓!!!」
 
「有咩好野唔好野呀?張詩敏，豬西」
 
「吔!!!!!!」媽咪又再一次向爸爸起飛腳
 
「阿媽….救我呀….」




 
「去死啦羚羊!!!!!!」
 
媽咪同daddy嘅相處之道，咁多年都係冇變
 
「婆婆，媽咪細個果時就係咁蝦daddy架啦?」
 
「唏，佢地算少事啦，雪晴契媽鬧翀契爺仲勁」
 
「真係慘囉」
 
「多謝妳契爺囉，當年雪凝契媽嫌個妹同妳媽咪太細個，想反對佢地拍拖，但妳契爺落足鞋油，妳daddy同契爺先過到妳契媽果關」
 
嗯…原來係契爺推佢兩個朋友落深淵嘅，果然兄弟係用黎出賣
 




「死啦!!!!羚羊!!!!!!!!!」
 
「對唔住呀老婆……….」
 
Daddy永遠都係屈服係媽咪之下