吸血三姊妹(六): 第四章變身

「乜嘢事呀？」雪兒有神無氣的問。
「喂，幫我變成他一樣！」我把劉德華的相片遞給她。
「可以呀，只要我咬你一口，一個星期後你就想變邊個就邊個！」
吓！我整個人彈起來！
「乜嘢話，點解要一個星期呀！？」我說︰「即刻變身唔得咩，我見妳家姐雪娜俾妳咬咗一口，就立即擁有變身力量！」
「我家姐點同你呀？佢係『吸血鬼』，本身已有魔法，所以能立即變身！」雪兒說︰「但你唔係，要等『變形三足蟲』的毒液運行你全身，你才有『隨意』變身的力量！」(關於『變形三足蟲』的事，請參閱『吸血三姊妹五』)
「妳早講呀！我今晚約咗人呀！仲俾咗嚟張相人，話相中人就係我！」我指著劉德華張相，說︰「今次真係俾妳累死！」
「你都痴線！」雪兒說︰「我點知你約咗人啫！咁你約人之前又唔先問下我！」
咁又係！雪兒儘管低B，但今次她有道理，我無道理！
「算了，一個星期就一星期，先咬我一口！」我說。


「好吧！」雪兒說。
「哎呀！」我後頸被雪兒咬咗一口，從此，我也有了變身能力！
不過是一個星期後的事，今晚約咗陳靜流，又話自己似劉德華，出嚟後又唔似，佢一定話我吹水，第一次見面就留下『壞印象』！
我站在我房間的鏡前，心裏想，雪兒可能騙我，她家姐雪娜被她咬一口，立即會變身！
於是我拿起劉德華的相片，看了一會，再閉起眼睛，腦裏不停想著他的樣子，口裏則不停的念著︰「劉德華！劉德華！我要變成劉德華！‥‥‥劉德華！劉德華！請把我變成劉德華！‥‥‥」(這是變身的方法程序，我見雪娜和雪兒都是這樣變身的！)
我感覺到臉部的肌肉開始『拉扯』！在變動！我的心加速跳動！
所以話雪兒的話不要信，跟本我現在就已經擁有了變身『力量』！
我感到臉頰拉闊，上排牙齒向前凸出，接著臉部肌肉的『拉扯』停下來，應該是變身完成了，於是我張開眼睛看‥‥‥
吓！
點解‥‥‥點解會咁架！？呢個係邊個嚟架？我對著鏡子心裏說。


我明明要變『劉德華』，點解會變成『劉江華』架！(有圖為證)


我衝出社長室，找雪兒！
「死喇！今次大鑊！雪兒，我想變劉德華，點知變成劉江華呀！」我指著自己的臉說。
「都話咗一個星期後才可以『隨意』變身咯！」正在吃薯片的雪兒說︰「現在藏係你體內的『魔力』不穩定，係做唔到『隨意』變身，會出現『偏差』的！」
「乜嘢『偏差』呀！」我問。
「即是你想變『A』卻會變成『B』，即是好似你而家咁，想變『劉德華』但變咗『劉江華』！」說完，伸手入薯片袋，拿了一片薯片出來，咬了一口。(態度冷淡)
「咁點算呀！」我問。
「等一個星期囉！」雪兒說︰「一個星期後你體內的『魔力』移定後，你咪可以變回自己囉！」


「那我豈不是要做一個星期劉江華！！」我說。
「做一個星期劉江華好慘咩？」雪兒說︰「人地要做一世劉江華，咁又點呀？人地都唔知做得幾開心呀，日日『倚』起排牙笑呀！」
是的，雪兒原來一點也不低B，說話充滿了『哲學』！
沒辦法，鬼叫自己心急，只好做一個星期A貨劉江華了！(我擔心俾人打！)
不過，今晚點算呢！？