理性男孩要點樣識女仔？: 愛情，友情，身外物也

一日86400秒，1440分鐘，24小時。一個星期即係要604800秒，10080分鐘，168小時。喺呢段時間，我要點樣過呢？

唔得唔得，愛情呢啲野我唔需要，我係唔係真係咁需要呢份荷爾蒙，唔係！呢份荷爾蒙喺打機、溫書入面，我都可以搵得到，我唔需要愛情。

我因為旁人嘅眼光而改變自己嘅諗法，呢啲野冇可能喺咁理性嘅我身上發生。呢段時間，我要不斷苦練自己辯論嘅技巧，喺啲三姑六婆、姨媽姑姐面前，喺啲無賴老師面前，喺啲煩到爆嘅同學面前，利用自己嘅知識，駁到佢地口啞啞！

單身15年，讀男校讀左9年幾，朋友又冇幾個，之前我又同盧仔佢地因為一啲小事而導致關係決裂。

咩話？我點解突然會同班朋友反面？還請小弟娓娓道來...







話說之前暑假，我仲好地地同緊班人一齊玩，但係佢地突然之間冇理到我，開始冇同我玩。我亦都冇約到佢地，既然佢地要咁樣對我，咁我都樂意奉陪，唔理我說唔理我。

「喂喂喂！你地仲要唔要用呢個group架？」

「你一日會唔會同我地玩超過兩個鐘呀？」「同意同意！」「係囉！你都唔同我地玩，我地又要點用呢個group呢？」

「你地唔用咁我就delete左佢架啦！」





「你要del咪del囉！」

「好呀！」

就係咁樣，明明應該要理性嘅我，竟然理智線斷裂咁樣delete左我同惟一一班朋友嘅group。呢個時候，我嘗試同返好耐好耐以前一齊玩過嘅人一齊玩，但係始終搵唔到同盧仔佢地一齊玩嘅嗰種默契、嗰種感覺、嗰一種無法言喻嘅感覺。

我搵過超過五班人，但係全部都唔可以一齊玩超過5日，就係咁樣，過左大約一個月之後，我就同返佢地道歉，佢地都俾左幾個改善嘅方法俾我，佢地都「接受」左我嘅道歉。

件事到而家都仲係良好發展，至少唔似故事咁浮誇。





喺呢班friend入面，有一個人，佢簡直就係口水多過茶嘅代名詞，因為佢成日都猶如滔滔江水，連綿不絕，所以我地都稱呼佢做「滔哥」，佢同我一樣，係辯論隊入面嘅一員，雖然佢平時比賽又唔參加多幾個，但係我地都係幾好嘅friend，呢一次可以溝女嘅活動，佢梗係會參加啦。

未完待續→