我與她﹐一個十年的故事: 第六十五章

「等間一唔一齊食早餐。」
「好呀。。」

我們在小息各自買了一份燒賣﹐面對面的看著
「妳係咪有d野想講。」
「哈。。你又知既。。」
「嗯。。睇得出。」
「唉。。我好多野煩。。」
「人真係好犯賤。。明明佢對我咁差。。我都仲咁鍾意佢。。」她續道
「嗯。。」




「或者系我幻想太多佢會對我好好。佢好鐘意同我做啲好close既舉動﹐同埋鐘意同我傾計﹐有時為左同我傾計 有野做都唔做住。
但佢只有系屋企先wtsapp揾我﹐落左街就唔會揾我。」
「可能佢好寂寞先揾妳。」
「我都覺。。唉 我次次嬲 比佢氹下氹下又嬲唔落。我真系feel 到我完全系佢心目中零地位。」
「咁你覺得值唔值得？我唔係暗示唔值得，我係認真問你。」
「我都唔知。。但佢又話佢唔識表達對我既感情。」

「其實你自己心入面都有答案。只不過你唔肯面對。」
「唉﹐我真係唔想咁快同佢散。。總覺得有轉機」
「其實一個人唔會無端端去改變，除非佢真係鍾意你而去改變，你話佢知你嬲，但佢除左氹你果下，之後有無改，定係佢連你嬲乜都唔知。」




「唉﹐人真系好撚犯賤﹐以前果個太緊我我又討厭﹐依家佢對我 就好似我對以前果個咁﹐真系報應。」

「因為佢寂寞呱。。」
「但我唔系 我真系想揾個可以依靠 錫我既人。」
「嗯嗯。」

我沒有趁她最空虛最傷的時候hard sell自己
因為我知道我們是兩個世界的人﹐不會適合對方﹐不會開花結果






我永遠都只可以在她身旁默默的保護著她