[中學][純愛]讀男校嘅我，到底係咪真係咁難識女仔？: 書本

「上次你揀咗幾本英文書俾我，不如今次我揀本香港作品俾你呀？」我靈機一觸說。 

「咁突然？都好喎，我都想睇多啲香港小說，唔使嚟嚟去去都睇《幻愛》。」她回。 

隨後我便走到本地小說的類別，選了本自己的心頭好，《寫一首情詩給暗戀女孩，她反出一道謎題給我》給她，《幻愛》和《寫一首情詩給暗戀女孩，她反出一道謎題給我》這兩本在我心中有著無可取代的地位，是我百看不厭的作品。 

「不如我哋搵一本大家有興趣嘅跟住一人買一本，一齊睇？」我問道。 

「好提議喎！」她興奮地答。





隨後我倆拿起了一本又一本小說，可惜不是不符合她口味，便是我沒有興趣。在看了成千上萬本小說後，我們總算是選到了。 

「《無限次告白》，呢本好似唔錯喎，又有愛情，又有科幻，就呢本啦！」她拿起一本書，提議道。 

我點過頭表示同意。 

「既然呢個係我嘅提議，不如就等我送俾你？同時當感謝你今日幫我襯衫。」我說。 

「唔使啦，你等遲啲再送份驚喜禮物畀我咪仲好。」她笑回。 





就是這樣我們結過帳，帶著滿滿的戰利品歸家去。 

「係喎，你住邊頭㗎？」我突然想起問到。 

「做咩想知呀？想送我返去呀？」她逗我說。 

「睇吓順唔順路啫。」我假裝不耐煩地回道。 

「好啦好啦，見你咁樣，本小姐就只好回答吓你個問題啦。我呢就係住喺…唔話你知。」她回。 





「車，兜咁大個圈又係唔講。」我說。 

「唉，唔玩你啦，我住喺…」她告訴我。 

我聽到那地點後目瞪口呆地望向她，眼神中流露出難以置信的表情。

「做咩咁驚訝嘅你？」她問道。 

「真係㗎？我呀公呀婆住正喺你隔離。」我帶著驚喜的語氣回。 

我的外祖父母住的地方與我家只有兩站之隔，所以我有時候感到無聊時也會去他們家消磨時間。 

「咁其實都順路喎，我住喺你兩個站之後，一齊搭地鐵呀？」我續。 

「好呀！」她回。 





在回去的旅程中，我倆有說有笑，開了很多很黑暗的玩笑，交換了很多有關自己的趣事，過程絕不無聊。而轉眼間她也到了。 

「好啦，我到啦，返到去再搵你啦。」她說。 

她走後，我的笑容舊舊未能放下，在回去的路上，滿腦子都是與她相處時的片段，越想越快樂。