[中學][純愛]讀男校嘅我，到底係咪真係咁難識女仔？: 溫習

我迅速收拾好筆記和平板電腦，換好衣服便頭也不回地出了門。 

「我仲有五分鐘到。」 

上車後不久便收到來自她的訊息。過了十分鐘我也到了銅鑼灣，我四處將望，試圖在人來人往的地鐵站找到她。 

「我喺度呀，賢仔！」 我望向聲音的來源，原來她揮着手，叫喊著。

她穿著一條白色的長裙，加一件灰色的外套，再加一對厚厚的Dr. Martens的皮鞋，迅間增高了不少。 





「Hi，等咗好耐呀？」我問道。 

「唔係呀，五分鐘咋嘛。」她輕笑答說。 

「不如我哋食嘢先呀，我成朝都無食過嘢，仲要比人放飛機，而家真係唔食啲嘢去調節自己心情都唔得。」她繼續道。 

「好呀！我都未食嘢，我仲要有張Coupon可以用，不如用埋佢呀。」我答。 

說罷，我們便一起走到希慎廣場的美食廣場。沿途我們有說有笑，把很多話題都聊了一片，與她相處時毫無任何不舒服的感覺，甚至是比起與阿衡和謙哥相處還舒服。 





我們在吃完同東西後便馬不停蹄地走去圖書館溫習，她與她的數學遊玩，而我就與我的英文博鬥。我努力地做著各種閱讀練習。 

「呀！咁所以到底係點做呀！！！」她輕聲叫喊著。 

我把頭伸過去一探究竟，如來是一條三角函數的題目，也是我最討厭的課題。 

「你俾我睇睇，可能我識喎。」我把握住這個機會，展現我的聰明才智。 

我在看過題目後，一路跟她解釋一路寫下步驟。 





「哦，我明啦！唔該晒，咁仲有呢題呢，希望你唔好嫌我蠢啦。」她笑道。 

「無問題啦，我都經歷過唔識數學係咁問人嘅階段，我明㗎，你有咩就問啦！」我回道。 

就是這樣我便成了她的免費私人補習老師，不停在自己的英文練習和她的數學題中來回穿梭，把成千上萬的數學題做了一篇，由一點做到三點。

「好！我要嘗試自己做晒一份Past Paper佢！」她充滿鬥心地說。 

我也專心地與我的英文練習戰鬥，過程中我真的把自己的人生想過一片又一片，不停自我懷疑，正當我想請教Morgan時，我卻發現她竟然睡著了。

我望向熟睡中的她，不好意思打擾她，這刻的她是那麼的可愛，心中的小鹿撞了又撞。我連忙打開手機把這刻的她永遠保存起來。 

過了十五分鐘，她終於結束了與周公的會面，她四處將望，伸了一下懶腰。 

「死啦，我係咪瞓咗好耐呀？」她連忙問說。 





「唔係呀，不過你係咪好攰啦？見你好似做咗好多數咁，不如我哋執嘢走囉？」我問說。 

「你唔想對住英文咋話？」她毫不留情地戳破我的意圖。 

「都明嘅，我今日都做咗唔少數。」她續說。 

「係呀係呀，我真係做到心態爆炸咁滯。」我回。 

走出圖書館後，我們漫無目的地閒逛著。 

「你真係好有耐性，同埋你數學真係好好，你做補習一定會好好搵。」她突然說。 

「哈哈，真係架？多謝喎，不過我想其他科都好啲，唔係淨係數理科囉。」我回答說。 





「其實而家時間都仲早，不如我哋行陣街先囉？我要買番幾件長袖衫。」我繼續說。 

「好呀，分反正我都無乜嘢做，就陪下你當多謝你教我數啦。」她答。