[中學][純愛]讀男校嘅我，到底係咪真係咁難識女仔？: 夢醒

「你個雪櫃真係型到震呀！吉嘅！」

佢望一望個雪櫃之後同我講，於是我哋就決定
 
「我地一於叫 MealTiger 啦」 我地異口同聲咁講

「喂BB！你想食咩呀…食西驕好唔好呀？」

「你係大佬你諗啦」我一路攤喺張梳化度講，





「阿賢哥仔，你男仔嚟架，有返少少主見得唔得…」佢開始有少少唔耐煩。

我見到佢個怒氣值不開始攀升，同時間我額頭開始滴汗。

我即刻落足鞋油補飛「BB咁你係女仔，咁我讓俾你揀都好正常姐。」

我見佢受落我都放心啲…

「咁我地就食西驕啦」佢一面開心咁講。





我深信佢都係無介意嘅…

咁樣我地歷時廿年終於有野食啦！

佢嗌咗個牛肉蓋飯，我嗌咗個我嘅最愛—肉醬千層麵。

我地一路食一路講Isabella之前嘅生活， 

「家姐，你好叻呀入到Band 1名校啦！」





呢次係我第一次覺得，我係屋企嘅驕傲。

我係Isabella 李穎怡，我出身喺一個重男輕女嘅家庭。

你可能會好奇，到底重男輕女嘅家庭係點，就係到咗某年紀，你會做咗你屋企嘅工人，而且係No paid。

而之後細佬就入咗間Band 2B嘅中學，細佬嗰陣仲細，啱啱升上中學矇下矇下咁樣，咁我作為一個大過佢幾分鐘又醒過佢嘅家姐我好『理所當然』咁要幫佢打點一切返學嘅野啦。

一日…

「少少野都搞唔掂，你點做人家姐架！你又唔係唔知個細佬呆下呆下咁，你咁都唔幫你細佬打點一切，你真係呀！
   生你出嚟都唔知做乜嘅，真係自已攞苦嚟辛！」

可能呢啲就係天意，要我從少學識點樣主內。





其實我都係一個中學生，我都想同啲朋友出街玩啫。

「咁多年都係咁我真係慣㗎啦，所以我同你一齊嘅時候我覺得好舒服同埋輕鬆。」

……………


「阿仔，夠鐘起身返學啦！」

我擘大眼，原來一切都只係個夢。