[中學][純愛]讀男校嘅我，到底係咪真係咁難識女仔？: 初次

「你阿媽搵你，你阿爸搵你，你.....」

晨早流流又邊個呀，我帶住睡意同埋燥底嘅心情接咗呢個電話

「賢仔！起身啦！！」

我小，咁早嘈醒我就係為咗啲廢話。 

我係呀賢，啲frd個個叫我賢仔，樣普通啦，窮西一個，讀緊男校，前途=未知 





換好晒衫，作為乖仔嘅我緊係問阿媽攞錢。 

「阿媽，冇錢吔飯呀！」

「啦，呢度二百，話時話隔離屋新居入伙，個女仔幾靚。」

「係咩？冇留意喎。」 

「識吓人啦！」 





「得啦呀媽，我自己搞得掂啦！」
 
講完就出咗門口，咁啱隔離屋都出門口，我呀媽就理所當言咁用一個謎之眼神望住我，我反一反白眼就閂埋門去等𨋢。 

等咗陣，有個目測165嘅女仔行過嚟，我望一望又望返手機，但係佢個側面真係會吸引，只要係男人都一定會望，喺我俾人當係變態之前我都係碌返IG。 「叮」入𨋢，「家姐！等埋！」一個同個女仔差唔多樣嘅男仔入咗嚟，目測同我差唔多高，而且件校服同我一樣。

「Oh Shit！」又一個同我同校嘅鄰居，算！我都係自己一個聽歌行返學，全程諗返嗰個側面，真係令到我甜入心。