一百首歌 一百種感覺: 今生不再 黎明

同渡過這盛世 隨手都採到星火的美麗
但我怎知道這份執迷 抱入來世 仍在你軀體

每個人對一段得唔到嘅愛情，總會有一份執迷。呢一份執迷，未必一定係執迷不悟。得不到嘅愛情，從來都係最美好同最刻骨銘心，甚至乎可以帶來好多種唔同嘅幻想，可能呢一世，大家都心知肚明，呢段關係最終唔能夠開花結果，但可能到最後一刻都會幻想緊，下一世可能有機會同你自己心儀對象再續前緣，只要唔忘記對方，就算輪迴轉世之後都可以有機會再走翻埋一齊。世事嘅嘢，邊個會估到曬所有結果，邊會有咁多個世界冠軍呀！

就趁那歌聲悠揚
玻璃倒映了今生不再的幻象
天空正掛著今世最亮的月亮
蜚短流長未來將怎麼設想





正如上面講到，未來嘅嘢冇人知，就算係你下一刻所發生嘅嘢都唔會有人估到曬所有結果。可能呢一刻你係平平安安，但係下一刻你條命隨時就可以冇左。每個人對於愛情，對於生活，好多時都唔識去把握最好嘅時機，往往去到失去左之後先識後悔，既然個機會喺你面前嘅時候，不管係友情、愛情甚至係親情，最好趁眼前嘅機會去好好維繫。有啲嘢，下一世未必可以再做得翻，點解唔趁今世去好好完成呢？最起碼唔會到死果刻都仲有帶唔走嘅遺憾嘛。