中四那年，我因為五毫子而成名: 3.4

陳主任離我們越來越近，我們的每一步就像走往地獄邁向死亡，然後身邊的毒霧越來越濃。我感覺手心都是汗，只好緊握著裙子讓自己不那麼緊張。

Robin就像無所畏懼的一步一步向著陳主任前進，站在他的身旁好像也能感覺他龐大的氣場，好比一個保護罩。

「我就係召集人。」Robin毫無畏懼的說著，雙眼直視著陳主任。

陳主任也不禁迴避他的眼神，然後放下揚聲器。

「我認得你地兩個，甄同學同余同學嘛，又係你地兩個搞事啊。」





「我……我地冇搞事。」我心裡很害怕，可是硬著頭皮說。

我深深吸了一大口氣，然後直視陳主任：「我地做緊我地應該做嘅事。」

我也不知哪兒來的勇氣說出這一句話，說完也有點不知所措，心還在跳動著。

「你地應該做嘅事就係違反校規？」陳主任狠狠的望著我，那眼神直接插進我的內心深處。

Robin接著反問：「我地有權反映小食部嘅問題，我地作為同學生活起呢間學校，係咪連見個校長都唔得？」





陳主任嚴厲的說：「同學啊，你地進行緊一個非法嘅集會。無論你地目的係咩，都唔可以違反校規。」

「我地起度都係因為對你同學校政策嘅不滿，一日我地見唔到校長，一日我地都會繼續落去。」Robin堅定的說。

我偷偷瞄了一下後面，發現本來集會的同學都走得七七八八，後面只剩下訓導老師瞪著正在離開的同學。


「你以為真係咁多同學支持你地咩？你望下後面先。」陳主任尖銳的問，然後把頭稍微抬高。






她接著說：「我勸你地唔好再搞事喇。今次見係第一次，我可以放過你地，但係下一次我真係會記過。」


「你唔好以為咁樣會令到我地驚。」我沒有轉過頭望，只是狠狠拋下一句，然後拉一拉Robin的手臂。

「下次再見。」Robin瞪了陳主任一下作結，然後轉身離開。

「你地兩個唔好咁串嘴啵，下次你地就知味道。」陳主任在背後生氣的向著我們喊。

「睬佢都有味。」Robin不屑的說。

我發現原來Emily，Kitty和Lily站在一旁等著我。

「你地終於放翻出黎喇，冇咩事嘛？」Kitty一邊搭著我的肩膀一邊問。





「冇野，陳主任講兩句姐，小事。」我說。

我當然不會跟她們交代陳主任又多恐怖，剛剛我手心裡全都是汗。

「你做乜認自己係負責人？」Kitty著緊的問我。

「咁我真係嘛。」我說。

「應該咁講，我先係真正號召大家，但係Joyce係都要同我一齊過去。」Robin解釋著，然後一臉埋怨的看著我。

「咩啊，Beans Hong係你同我都有份，Beans Hong號召姐係我地兩個號召，我點可以比你自己一個啊。」我捏了一下Robin的手臂。

她們三個人睜大雙眼看著我和Robin。

「吓，原來你地就係Beans Hong……」Kitty唯恐旁人聽不見的說。





「細聲啲啦。」我說。

「我都估到係你地。」Kitty像看透世事的般說道。

「我冇諗過Joyce會咁樣做。」Lily驚訝的說。

「走得咁前，完全唔似我認識嘅Joyce。」Kitty說。

我預期之內的反應還是出現了。

「一場朋友，點解你唔早啲講啊？」Emily看著我問。

「我就係一早知道你地會好驚訝，驚你地接受唔到，所以咪唔同你地講。」我說。





Kitty假裝生氣:「你都瞞得我地耐喇……」

「咁你地點睇成件事啊？你地會唔會繼續支持？」我問。

「雖然我都係怕同學校作對，我知道我叫你放棄都冇用嫁喇……」Lily無奈的說。

下一秒她擠出微笑：「作為朋友我一定會撐你。」

聽到這一句，我禁不住把Lily攬進懷裡，緊緊把她抱緊。

「多謝你。」

「我地兩個呢，你宜家淨係理Lily得啦。」Kitty吃醋的說。

「你都冇話支持我。」我也配合她的吃醋。





「點會唔支持啊，係咪啊Emily？」Kitty問。

「緊係啦。」Emily笑著回答。

我趕緊把他們兩個也抱起來，我們四個攬成一團。

「我想同你地講，多謝你地。」我輕輕的跟她們說。

「啊Joyce，加油啊。」Kitty拍了我的肩膀。

我們四人鬆開。

我逐一看著她們，Kitty，Emily，Lily，這是我最珍惜的三個朋友。

「你地四個係咪遺忘左我？」Robin的聲音忽然出現。

原來他一直站在旁邊看著我們四個。

「點會啊。」然後我用肩膀撞了一下他的手臂。