中四那年，我因為五毫子而成名: 3.1

回到家裡，我疲憊得把背包放到一旁，然後攤在沙發上。

想到媽媽快將回家，我馬上彈起來，如果她看見我還沒有換校服，肯定會問我去了那裡，到時候我就非得編個故事。

於是，我立刻走回自己的房間把校服換掉。我掛起校服裙，看著上面的校徽，忽然有點感慨。

到底我是做著違反校規的事情，還是為著這學校同學的福祉而做著這些事？

手機忽然響起，又是Robin的來電。



「喂，Robin。」我拿起電話。

「Joyce，我諗我地要傾下之後可以做啲咩。今日出乎意料咁多人，我地要食住個勢升級。」

「其實我都唔知可以做啲咩……」我說。

「事到如今，我地應該睇下大家想達到咩目標，聽下其他人嘅意見。不如我地聽日Group翻啲人去cover playground討論？」Robin提議。

「都可以啊……我都冇乜idea……」我說。



「我地應該將個決定權比翻大家。」Robin說。

「都係，呢個學校係屬於大家。」我說。

「咁不如我出post叫大家放學去cover集合？」Robin問。

「好啊。」我說。

「但係會唔會驚陳主任又黎拆場？」



「Joyce啊，我地唔驚得咁多，行到呢一步。」Robin溫柔的說。

「我明啊。」我還是有點擔心。

「你記住，你有我……仲有好多人支持我地。」Robin安慰著我。

「唔……」聽著Robin的聲音好像如釋重負。

「傻瓜，唔準再擔心喇。」Robin笑著說。

「唔。」

「好喇，聽日見。」

「聽日見啦，Bye。」


星期二的班房都是討論著昨天的事和Robin昨天發的召集。

「尋晚又有Facebook post叫大家今日放學黎一轉啵。」

「今次又搞咩？尋日先比陳主任拆完檔。」

「放學操場集會。」

「會唔會又比陳主任拆場嫁？佢頭先已經搵prefect守住校長室附近唔比人過去。」

「咁誇張。」

「係啊我頭先翻黎見到。」

「雖然都怕怕地比人記過，但係尋日佢地咁樣搞法真係好過分。」



「以前我都冇覺得陳主任或者學校有咁多問題，但係經過尋日，我都覺得唔可以唔理。」