中四那年，我因為五毫子而成名: 2.19

飯堂裡還有些同學在討論剛才上面的事情，或許大家都需要時間冷靜一下，也還是不甘心這樣離開。

我和Robin走到飯堂裡，我打算叫Robin幫我宣佈召集大家到操場。

「不如我地企上去叫大家？」我指一指最前方的檯問Robin。

「呃……」

我還沒有等他回應，左腳先踏上椅子，然後右腳跨上檯，Robin也跟著我的腳步。





「你講野大聲啲，不如你黎。」我撞了一下Robin的手臂。

「呃……其實我畏高。」Robin發出微弱的聲音，一邊低頭看著地面，雙腳抖著，好像從檯面也感覺到。

此時，所有人的目光都向著我們兩個，那我就被逼要擔當這個重任。

我深呼吸一下，然後用盡全身的氣力大喊：「各位同學，我地雖然唔可以留起校長室門口，但係我地可以起操場集合表達我地嘅意見。我呼籲大家一齊去操場。」

說完以後，我輕巧的從檯跳到椅子上在下到地面。Robin還在上面看著我。





「哈哈，你有冇驚到咁啊。」我把手遞給Robin，他緊緊握著我的手，然後慢慢下到椅子再到地面。

「睇唔出你居然畏高。」我嘲諷他，沒想到堂堂男子漢在陳主任面前可以咄咄逼人，但站在檯上卻膽小如鼠，只能勉強發出聲音。

「唉，我都知我係廢柴。」Robin尷尬的說著，然後一手按著自己的額頭。

「係啦，廢柴。」我說，然後把雙手放到他的肩膀上，像小孩搭著肩膀扮火車般推動Robin向著操場走。
浦踏出操場就遇到我的三個姐妹，我立刻把手收回來。

Kitty一見到我們就說：「我仲以為你地兩個會起上面留到最後添。」





「我地就算留低比人記名都唔會得到我地想要嘅野。」Robin認真說。

「喂，你做咩講左我句台詞，頭先你唔係好堅持要留低咩？」我假裝生氣向著Robin嘟起嘴巴來。

「係，係，係余楚思同學話嘅，我地就算記左名都唔會得到我地想要嘅野。」他一邊拍著我的肩膀一邊說。

「其實我地點樣做，都好難爭取到。一日起學校，一日我地都係比佢地個遊戲規則框住。」Emily一臉正經的說著。

「我地又點贏得過啲老師。」Lily無奈的說。

「咁你今日又留起度？」Kitty揶揄Lily。

「你估我想咩，我係因為Joyce先出現。」Lily說。





「係囉，有人堅持唔肯del post嘛。」Kitty用肩膀撞一撞我。

然後繼續說：「雖然唔認同呢個做法，但係點都要撐朋友嫁啦。」

「多謝你地。」我張開雙臂，緊緊抱著她們。

「Robin，點解唔見你搵其他朋友一齊？」

「我有叫過佢地，不過佢地都唔理。」

「唔緊要啦，你同我地一齊囉。」我說。
「我要見校長。」

「打壓學生無理。」





「改革小食部。」

連綿不絕的叫喊聲，可是陳主任再也沒有下來，而校長室的門還是關著。

一直持續到大概五點鐘，聲音慢慢變小，同學們慢慢散去回家。

「我諗我地今日都差唔多喇。」我說，然後示意大家一同離開。

「都仲未有咩進展啵，就咁算？」Emily激動拉著的手問。

「今日唔得咪聽日囉，我知道大家一定會繼續落去，我地有一日會見到校長。」Robin看了一下上面校長室的門口。

「唉，我地點都鬥唔夠學校，我地最後點都要繼續起到讀書，我地都係要聽學校、聽老師話。」Lily忽然低聲說道。
我想了一想，這也是對，不論我們能否爭取到什麼我們還是得留在這個學校裡，我們還是要在老師的掌控下生活。經過這一次的事情，我的名字已經被記錄起來，不管最後校長會否幫助我們，我都有可能招到老師的針對。





想到這裡，我也不敢想下去。

「你地有冇聽過學校就係社會嘅縮影？」Emily忽然問。

Emily問完以後沒有人回答她。

Emily感慨的說：「無論起學校定係起呢個社會，我地都係被擁有權力嘅人管治嘅一群。我地冇能力去改變呢度嘅遊戲方式，我地逼住要玩呢個遊戲。」

這是一場逼著玩下去遊戲？難道我們就只能夠屈服嗎？

我不甘心。

我反問：「遊戲規則好似一路起度，但係執行嘅人唔跟，呢個係一個好大嘅問題。如果有問題，唔通我地可以坐視不理咩？」

「係囉，我地應該要反抗。」Robin憤慨的說。





說著說著我們五個人到了巴士站，Robin還陪著我們等巴士。

「你地兩個其實有冇諗過，如果校長唔理你地，如果今次失敗左會點？」Kitty看看Robin，再看看我。

我低頭想了幾秒，然後失落的說：「冇，冇諗過，我地一路都係見步行步。」

Robin卻堅定的說：「我地一定會成功。」

說完，我的巴士就到站了。

「Bye，bye。」我說。

「Bye，傻瓜。」Robin在我耳邊輕聲說。

「Bye，廢柴。」我輕聲回應。

從巴士的窗外看出去，巴士飛快掠過學校，學校大樓的輪廓好像還殘留在腦內，學校操場的模樣，集合的同學的每一個面孔好像還在眼前，一句又一句的叫喊聲還在耳邊迴響著。

這是我們反抗的第一天。

未來會怎麼樣？我不知道。