中四那年，我因為五毫子而成名: 1.12午餐

回到課室，我的三個朋友都已經到了，我打算走過去跟她們聊天。我隱約聽到旁邊有幾個男生在說關於剛才的事情。

「你知唔知啊，聽講頭先小食部有兩個人好霸氣，佢地鬧啊姐。」

「吓，咁夠膽，佢地鬧啲咩？」

「唔知啊，好似話係關於啲錢。」

「都真係幾大膽啵佢地。」





「其實小食部啲問題真係數都數唔完，不過學校唔理，學生會唔理，咁都要食嫁啦。」

「我地平時都係叫外賣，其實都唔一定要食小食部。」

「都係，不過都怕會比人發現我地偷偷用電話。」

「怕咩啊，個個都係咁叫啦。」

在這一間學校裡，大家都是三五成群偷偷打電話叫外賣，然後午飯時間到校門外領取，畢竟要外出食飯要走十分鐘才到，時間實在太倉促。雖然在學校裡面用電話是違法校規的，但是領袖生總是隻眼開隻眼閉，反正大家都是這樣做。
我除了小息以外都很少到小食部買小食，午餐大家都是叫外賣或者出去食。我們一般都是靠Kitty幫我們跟其他同學一齊下單，通常班上總有其他人要叫外賣，我們都是統一數目然後下單。





後來，Lily說要省錢，她買了一堆即食面放在locker裡面，午餐的時候拿著一個碗，然後把麵放進去，再用學校的熱水把麵弄熟。學校的一個湯麵賣6蚊，而Lily這樣的話一個面不到2蚊。後來Kitty覺得她太可憐，買了一些即食的蟹柳、雞腿、榨菜讓她可以配麵。學校的湯麵加點雪菜肉絲就要加六蚊；Kitty買的榨菜一包才三蚊，還可以吃三、四餐。

仔細想想，其實不靠小食部我們也不會餓死。小食部不過是官方的存在吧。可是這個官方的存在卻沒有質素保證，倒不如想辦法自己準備午餐。

好，我由今天開始不會光顧小食部。

「其實餐餐叫外賣都幾貴，等我遲啲學你自己帶麵。」Kitty說。

「之前見人地都係帶杯麵，自己買平好多，小食部賣成8蚊一個。」Emily說。





「我就想買即食薯蓉或者意粉，都係十蚊有找，好好食。」我說。

「如果我地賣麵平過小食部，可以做到盤生意。」

「都係，我地仲可以賣啲小食部冇嘅即食野，每樣成本價加2蚊，應該會發達，哈哈。」我說。

「不過搞呢門生意都幾花時間，又唔係真係賺好多。」Emily說。
如果我們能夠想到，其他人都一定想過吧。

每天小食部前面依然人很多，還有好多是為了買湯麵。湯麵是小食部裡面最便宜的選擇，省錢的人都總是叫買湯麵，然而同樣的食物，如果自己帶，他可以多省4蚊。這4蚊貴在小食部的阿姐的人工、小食部的租金、燈油火蠟。

想一想如果不嫌洗碗麻煩，自己每泡一次麵，就等於賺了4蚊，又不用受氣，不用排隊。一個月就有80蚊，已經可以買到一本小說。

先不說做不做這一門生意，如果可以讓更多人知道可以這樣做，大家可以有更多的選擇，就可以擺脫小食部。